رابــطــــة الــزجـــالــيــن وكـــتــاب الأغـــــانـــي
أهلاً بكم على صفحات

منتدى رابطة الزجالين وكتاب الأغاني

منبع الأدب الشعبي في مصر

يسعدنا تسجيلكم معنا


رابــطــــة الــزجـــالــيــن وكـــتــاب الأغـــــانـــي

منتدى عام لرابطة الزجالين وكتاب الأغاني بجمهورية مصر العربية ( المقر الرئيسي بالقاهرة )
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول
باسعد بقرب الأحبه لما اشوف زجال الحب يكبر ف قلبي أرتجل موال وافرد شراع المحبه ميهمنيش عزّال دا الزجالين عزوتي عمي وابويا وخال ( محمد محمود البهنساوي ) رئيس رابطة الزجالين وكتاب الأغاني
المواضيع الأخيرة
» كنت عايش كدبه حلوه
السبت يناير 21, 2017 8:39 pm من طرف مجدى الهوارى

» إزاى نبقى خوات !!
السبت يناير 21, 2017 8:36 pm من طرف مجدى الهوارى

» ليه ضيعتو قيمة الجنيه ؟
الخميس يناير 05, 2017 8:50 pm من طرف مجدى الهوارى

» وروحك بى لصيقه
الخميس يناير 05, 2017 8:46 pm من طرف مجدى الهوارى

» حبيبه عمرى ...
الخميس ديسمبر 22, 2016 8:25 pm من طرف مجدى الهوارى

» يا حلوة يامجنونة بى
الإثنين أبريل 04, 2016 2:34 pm من طرف محمد يوسف عوض الله

» قصيدة حب شعر محمد البهنساوي
الإثنين أبريل 04, 2016 2:32 pm من طرف محمد يوسف عوض الله

» اجتماع الجمعية العمومية
الإثنين مارس 21, 2016 7:39 pm من طرف محمد البهنساوي

» شطبتك من ديوان شعري شعر محمد البهنساوي
الأحد فبراير 28, 2016 1:15 pm من طرف محمد البهنساوي

أفضل 10 أعضاء في هذا الشهر

شاطر | 
 

  واللى م(ايحاسبش يصبح ع الحديده) للمرحوم ابو بثينه (عميد الزجالين فى السبعنيات)‏

اذهب الى الأسفل 
كاتب الموضوعرسالة
محمد مديح
نائب المدير العام للمنتدى
نائب المدير العام للمنتدى
avatar

عدد المساهمات : 38
تاريخ التسجيل : 09/07/2010

مُساهمةموضوع: واللى م(ايحاسبش يصبح ع الحديده) للمرحوم ابو بثينه (عميد الزجالين فى السبعنيات)‏   الأحد يوليو 11, 2010 12:10 am

للمرحوم ابو بثينه


ياللى داخل ع الجواز استنى حاسب

عندى كلمه اسمعها فى الوقت المناسب

الجواز فيه الخساير والمكاسب

والنصيحه اللى ما تضرش مفيده

خد عروسه بالادب تلقاها هيبه

بنت اصل وتستحى من كل عيبه

خدها واعيه مدردحه مش بنت خيبه

تلقى دايما عندها افكار سديده

مش مهم تكون طويله اوعريضه

المهم تكون سليمه مش مريضه

الا من اول ولادة تبقى عيضه

كل يوم يطلع لكوا امراض جديده

الجواز مش بس مجموعه عواطف

اوجمال اوجاذبيه وحب خاطف

اوتغازل او تهزر او تلاطف

الجواز دلوقتى ليه اهداف بعيده

الجواز دلوقتى اصبح مسئوليه

تبنى بيت ثابت وامه تكون قويه

والعيال ما تزيدش عن طاقه الماهيه

واللى مايحاسبش يصبح ع الحديده


المصدر(كتاب كلام موزون علشان بلدنا)1970

نقلاً من جروب سرور للزجل والزجالين اصحاب القلم الجسور‏
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الزجال محمد سرور
المشرف العام
المشرف العام
avatar

عدد المساهمات : 437
تاريخ التسجيل : 10/07/2010
العمر : 45

مُساهمةموضوع: رد: واللى م(ايحاسبش يصبح ع الحديده) للمرحوم ابو بثينه (عميد الزجالين فى السبعنيات)‏   الثلاثاء أغسطس 24, 2010 6:04 pm

الله على الشعر الواعى والحكمه السديده
من امير الزجل ابوثينه رحمه الله عليه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو https://www.facebook.com/group.php?gid=115187031837956&ref=ts
وفاء أمين



عدد المساهمات : 1
تاريخ التسجيل : 12/09/2010

مُساهمةموضوع: رد: واللى م(ايحاسبش يصبح ع الحديده) للمرحوم ابو بثينه (عميد الزجالين فى السبعنيات)‏   الأحد سبتمبر 12, 2010 7:08 am

السلام عليكم ورحمة الله وبركاته
ابنى الشاعر المجتهد / محمد مديح
الف مبروك على موقع الرابطة الرائع
واشكرك لذكر الزجال الكبير ابو بثينة
فلقد وعيت على أزجاله من ترديدها لابى وامى رحمهما الله
كانا يحفظان عن ظهر قلب جميع ازجاله ويتندران بها فى جميع المحافل مع الأهل والضيوف
ولذلك فلقد تربيت على كلماته الهادفة الجميلة
ولكم زجليه احفظها نقلاً عنهما تتحدث عن الشاب الذى يتظاهر بالغنى امام اصدقاؤه وهو عاطل وياكل من كد امه المسكينه


صاحبت واحد عالقهوة واسمه شعبان

وبعد ماصاحبته بمده صرنا اخوان

صاحبته لكن معرفتش مستخدم فين

ياكل ويشرب وبيصرف عالقهوة منين

كان لما يقعد عالقهوة نقعد وياه

وكان يقول ان فلانه بتدوب فى هواه

وإن بنت فلان باشا وفلان بيه

بيعشقوه ومش طايلينه حيموتو عليه

وان واحده تلميذة بعتت له جواب

وواحدة تانيه اشتغلت له منديل وشراب

وكل يوم يحكى حكايه ياخوانا ياهوه

عن ناس كتير بيغيرو منو وعن ناس عشقوه

وكات تفوت عالقهوة صبيه اكتر الايام

حلوة وجميله وغنيه وقوامها تمام

النعمه باينه على عينيها واديها سُمان

العز يابنى مايخباشى دا الفقر يبان

رقه فى مشيتها تسبى العشاق

وجمالها مش ممكن ابداً وصفوه فى اوراق

صاحبنا ساعة مايشوفها تلقاه ام طار

ودخل جوه القهوة ووقف محتار

ولما تمشي صاحبتنا تعدى وتفوت

تلاقى وشه مالخضه احمر مزعوط

يقولنا دى علشانى من هنا بتفوت

بتحبنى وبتدوب فيا خليها تموت

ومره واحنا عالقهوة الست فاتت على سهوه

صاحبنا معرفش يفلفص

قالت له امك تيجيشي ليه ياشعبان

قال داحنا نيجى لجل نزوركم

ملناش غنى ابداً عنكم

قالت له لا ياشعبان امك دايماً تكسل

وحياة ابوك ابقى ابعتها علشان تغسل!!!!

اتارى امه غساله تتعب وتدوب وهو ياكل بشقاها

ابن المركــــــــــــــــوب!!


من المؤكد اننى قد نسيت بيت او اتنين

تحية لهذا الزجال العظيم الذ استمرت سيرته حتى يومنا هذا

الشاعرة وفاء امين عضو اتحاد الكتاب وعضو رابطة الزجالين








الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الزجال محمد سرور
المشرف العام
المشرف العام
avatar

عدد المساهمات : 437
تاريخ التسجيل : 10/07/2010
العمر : 45

مُساهمةموضوع: رد: واللى م(ايحاسبش يصبح ع الحديده) للمرحوم ابو بثينه (عميد الزجالين فى السبعنيات)‏   الأحد سبتمبر 12, 2010 9:47 am

نحن نشكرك استاذتنا الفاضله
على اممدنا بهذ الزجل الهادف
لعميد الزجل ابو بوثيه
تقبلى تحياتى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو https://www.facebook.com/group.php?gid=115187031837956&ref=ts
د /صلاح طاهر



عدد المساهمات : 23
تاريخ التسجيل : 25/09/2010
العمر : 56

مُساهمةموضوع: رد: واللى م(ايحاسبش يصبح ع الحديده) للمرحوم ابو بثينه (عميد الزجالين فى السبعنيات)‏   الأحد سبتمبر 26, 2010 5:37 pm

رحم الله ابو بثينة

وشكراللرابطة

والأستاذ محمد مديح

نحياتى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
واللى م(ايحاسبش يصبح ع الحديده) للمرحوم ابو بثينه (عميد الزجالين فى السبعنيات)‏
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
رابــطــــة الــزجـــالــيــن وكـــتــاب الأغـــــانـــي :: الفئة الأولى :: لمسة وفاء-
انتقل الى: