عم حسين جه م الصين&مصافحة اولى

عم حسين
جاي م العمرة بقاله يومين
قلت أعدي عليه وأسلم.وندردش حبة و نتكلم
ده القلب في شوق وبيتألم.وانا نفسي أزور الحرمين
أهلا مرحب ايه أخبارك؟.رجع النور من تاني لدارك.كلمني قوام عن مشوارك
والأول صلي على الزين
-قالي وصلى ع المختار.دي الكعبة دي نور الأنوار.
ايه أوصفلك
قادر ربك
نبقه نروحها احنا الاتنين
فجأة اتغير حاله لقيته.بينادي على أهله وبيته
نادى وقال نوليني يا ولية.سبحة وشال أو أي هدية
أصل سيته خدنا ف دوكة.وانا مستني بقالي يومين
قالي اتفرج بص وشوف.نفحة من نور الحرمين
مهما تدور ولا تطوف.هتلاقي تاني زيها فين
-قلت له حلوة جميلة وهايلة.بس يا حج دي صنع الصين
لسه بنحكي عليها ونسأل.قالي يا واد استنى ما تتقل
-يعني بغشك؟
-لا مش قصدي
بس القصد جايبها منين؟؟؟
رن موبيله وقام يتكلم.ايوة الو وخلاص بيسلم
-قلت له حلوة العدة دهيه
-قالي يا بختك
جايب اتنين
ومتغلاش يا حبيبي عليك.متقفلة مبروكة عليك
م الحرمين برضو جايبينها
شغالة ومضمونة وزين
لمحت عيني
ألَّا
عم حسيييييين
برضو عليها صناعة الصين
-فز وغور من هنا قوم يا بني
والله دي جاية م الحرمين
-قلت له صاااااااادق بس جاوبني
هي الكعبة فين في الصيييييييين؟؟؟؟؟؟؟؟؟؟