دا ... حق إبنك

محلاكى ... يامصرنا ... الكل ... بيحبك
ثورة شبابك محبة علشان يصون حبك
والكل واقف معاه ماهو ابنك ومن صلبك
عايز يعيش دنيته مقصدش يوم غضبك
***********
فى الغرب شلة غجر طمعانه فى ترابك
وبـــياعـــين الـــزمم بيساهموا فى خرابك
يعنى الشباب لو خرج ماهو رمز لاحبابك
وإحـــنــا مـعاه كلنا حــراس على بابك
************
جبل البطالة إرتفع صبحت حياتنا صعب
والرأسمالى وازرنا..راكب حصان النهب
مايهمهوش الغلابة والفقرا أصل الشعب
وكل همه خزانته ملـــيانه لو بالغصب
***********
يــــــا مسئولين الـبـلـد بتمنى فكر جديد
مربوط بحبل الامانة عن حق يوم مايحيد
مـصــر بشبابها وشيوخها وعيها بيزيد
بلاش طناش كلنا .. لنا رغبة فى التجديد
***********
العين عليكى النهاردة صورتك فى كل مكان
عايزين نشوف الكلام دا تاريخ لكل زمان
يامصر كلمة فراعنة فيها عظمة للانسان
مهما يحاولوا خداعنا ارضك يا مصر امان
***********
ياولاد بلدنا .. بلدنا محتاجة إيد على إيد
بعملنا نثبت وجودنا بالخضرة والتشييد
نيلنا وشبابنا وشيوخنا الكل بيها سعيد
مصر الحبيبة فى قلوبنا عشقها بيزيد