أنا مش مسئول

أنا مش مسئول

صابر ع المحن
ولما صبره يطول
ب الهم يتشحن
ويرجع ثاني يقول

من عهد الفراعنة
عايشها كده بالطول
يخلص من لعنة
يلاقى فلول

حضارات قامت
ومقامات بتزول
وده صامد
زى أبوالهول

معدنه هايل
ومش معقول..؟
حاله مايل..!
كده على طول

يتسرق ويتنهب
ويقولوا كسول
يتشال و يتقلب
ويسيبوه مغلول

ينام ف نكد
وباله مشغول
عايزينه يخاف
من المجهول

ماشي شارد
ومين مسئول
نظام بارد
ولافاسد جهول

ياما إندقت
على رأسه طبول
وياما إتملت
معدته بالفول

ثار وراء عرابى
وسعد زغلول
ومن عهود فاتت
دحرالمغول

جايين دلوقت
تخوفوه بالغول
رصاص وغازات
وأم سحلول

من قبل يناير
مفيش مسئول
والشعب ثاير
يجيد القول

لاتهينوا الكريم
أنا مش مسئول
وإتقوا شرالحليم
دى نهاية القول

رجعوله حقه
وشفولوه حلول
حاتسرقوا برضه
بس بالأصول