رابــطــــة الــزجـــالــيــن وكـــتــاب الأغـــــانـــي
أهلاً بكم على صفحات

منتدى رابطة الزجالين وكتاب الأغاني

منبع الأدب الشعبي في مصر

يسعدنا تسجيلكم معنا


رابــطــــة الــزجـــالــيــن وكـــتــاب الأغـــــانـــي

منتدى عام لرابطة الزجالين وكتاب الأغاني بجمهورية مصر العربية ( المقر الرئيسي بالقاهرة )
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول
باسعد بقرب الأحبه لما اشوف زجال الحب يكبر ف قلبي أرتجل موال وافرد شراع المحبه ميهمنيش عزّال دا الزجالين عزوتي عمي وابويا وخال ( محمد محمود البهنساوي ) رئيس رابطة الزجالين وكتاب الأغاني
المواضيع الأخيرة
» كنت عايش كدبه حلوه
السبت يناير 21, 2017 8:39 pm من طرف مجدى الهوارى

» إزاى نبقى خوات !!
السبت يناير 21, 2017 8:36 pm من طرف مجدى الهوارى

» ليه ضيعتو قيمة الجنيه ؟
الخميس يناير 05, 2017 8:50 pm من طرف مجدى الهوارى

» وروحك بى لصيقه
الخميس يناير 05, 2017 8:46 pm من طرف مجدى الهوارى

» حبيبه عمرى ...
الخميس ديسمبر 22, 2016 8:25 pm من طرف مجدى الهوارى

» يا حلوة يامجنونة بى
الإثنين أبريل 04, 2016 2:34 pm من طرف محمد يوسف عوض الله

» قصيدة حب شعر محمد البهنساوي
الإثنين أبريل 04, 2016 2:32 pm من طرف محمد يوسف عوض الله

» اجتماع الجمعية العمومية
الإثنين مارس 21, 2016 7:39 pm من طرف محمد البهنساوي

» شطبتك من ديوان شعري شعر محمد البهنساوي
الأحد فبراير 28, 2016 1:15 pm من طرف محمد البهنساوي

أفضل 10 أعضاء في هذا الشهر

شاطر | 
 

 الدنيا فيها القرش سيد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الزجال محمد سرور
المشرف العام
المشرف العام
avatar

عدد المساهمات : 437
تاريخ التسجيل : 10/07/2010
العمر : 44

مُساهمةموضوع: الدنيا فيها القرش سيد   السبت يوليو 24, 2010 12:21 pm

طول عمرى عايش بالحلال
ولا عمرى يوم مره انحنيت
لكن مراتى ام العيال
وخدانى على بحر غويط

عايزانى ابيع راحه الضمير
وابيع معاه زمتى
اكون منافق للامير
اطاطى علشان لقمتى

وتقولى شوف غيرك سبق
اما انتى لسه فى مكانك
اركب حصانك فى السبق
ودوس بخيلك على اللى هانك

دى الدنيا فيها القرش سيد
والكلمه هى كلمته
وعشان تعيش لازم تسيد
تسبق بحلمك خطوته

قلتلها يا مراتى اعقلى
ارضى بنصيبك فى الحياه
على النعمه ليه تبطرى
ارزاق مقسمها الاله

قالتلى طول عمرك كده
هتعيش وهتموت زى ابوك
الفقر عنك بغدده
والطيبه جنبه بيحرسوك

راح يعمل ايه الكام جنيه
اللى بتخدهم كل شهر
هيكفى ايه ولا ايه
حياتى معاك والله قهر

قالتها ايه بس جرى
دى مش كلامك يا حياتى
عملتى نفسك عنتره
ريحت الطبيخ دى فيه حماتى

دى بقالنا على الحال داه شهور
وكل ما ارجع لوى بوزك
فن النكد عندك بحور
ومشمره وفارده نفوذك

انا قبل ما اتهور عليكى
اوحتى اقول كلمه تهينك
هسبلك البيت بين اديكى
واللى فى ضميرك راح يزينك

نادت على بعلو صوتها
قالتلى على فين يا ابو البنات
موعاش فى الدنيا لو تفوتها
يقطع لسانى انسى اللى فات

معرفش ايه بس جرى للى
زن الودان ليه العجب
الست جرتى اللى قياللى
الله يجزيها هى السبب

قعدت تقوينى عليك
وتقولى ابصر ايه وايه
قادت فى قلبى النار عليك
معرفش ساعتها حصلى ايه

قولتلها فى الدنيا البشر
فيها اللى قلبه مش نضيف
زى الوباء مرض انتشر
وفيها برضه اللى شريف

وانا مش راح اعتب على الجيران
لكن لابد اعتب عليكى
لو جتلك الريح سدى البيبان
وغمضى عنها عنيكى

لحسن رياح الحقد بير
متسمعيش غير صوت رننها
بتموت الخير والضمير
وتنكوى ما بين نيرنها

يا رب عبدك بينادبك
انت اللى عالم بالنوايا
انت الاحد ولا لك شريك
ارحمنا يا رب من الرزايا


عدل سابقا من قبل محمد سرور في الأربعاء مارس 23, 2011 11:33 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.facebook.com/group.php?gid=115187031837956&ref=ts
محمد منصور



عدد المساهمات : 59
تاريخ التسجيل : 27/12/2010

مُساهمةموضوع: رد: الدنيا فيها القرش سيد   الأربعاء ديسمبر 29, 2010 12:49 pm

آآميين
بقولها على الدعاء
بالرحمه يا استاذ سرور
ما اقدرش اعلق ولا اقول
وما فيش ف ايدى غير المرور
********




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
فارس القرشي



عدد المساهمات : 81
تاريخ التسجيل : 06/11/2010
العمر : 42

مُساهمةموضوع: رد: الدنيا فيها القرش سيد   الجمعة يناير 21, 2011 4:37 pm

أنا حاسس أن قريب الستات هتغتالك

تقبل مروري
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عصام الحلوانى

avatar

عدد المساهمات : 74
تاريخ التسجيل : 16/03/2011
العمر : 57

مُساهمةموضوع: رد: الدنيا فيها القرش سيد   الخميس مارس 17, 2011 12:57 am

تسلم ايدك يا استاذ

محمد سرور

موضوع جميل شيق

تحياتى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الدنيا فيها القرش سيد
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
رابــطــــة الــزجـــالــيــن وكـــتــاب الأغـــــانـــي :: الفئة الأولى :: الزجل-
انتقل الى: