...............................................................................
...............................................................................
من غير مبارك .. يابن بهية .. عيدك مبارك
نام ياشهيد .. براحة وأمان .. أخدنا بتارك
يوم خلعناه .. الدنيا بحالها .. جاية تبارك
بعد ماكانت .. تلف وتدور .. تشم أخبارك
كل اللى تاخده .. ضحكة وكدبة .. وريحة غبارك
كنت القمر .. وكل النجوم .. تلف فى مدارك
عايزنا نسامح .. دلوقتى القرار .. معدش قرارك
بعد القصور .. وعيشة الملوك .. مت فى مرارك
لما وقعت .. تقدر تقولى .. مين اللى زارك
أخيرا عرفنا .. خلعت القناع .. عرفنا مسارك
الكل زهق .. الكل خرج .. الكل شارك
ياراجل اتسلى .. فين ضحكتك .. راح فين هزارك
دلوقتى نفسى .. يقروا عليك .. سورة تبارك
..................................................................................
..................................................................................