رابــطــــة الــزجـــالــيــن وكـــتــاب الأغـــــانـــي
أهلاً بكم على صفحات

منتدى رابطة الزجالين وكتاب الأغاني

منبع الأدب الشعبي في مصر

يسعدنا تسجيلكم معنا


رابــطــــة الــزجـــالــيــن وكـــتــاب الأغـــــانـــي

منتدى عام لرابطة الزجالين وكتاب الأغاني بجمهورية مصر العربية ( المقر الرئيسي بالقاهرة )
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول
باسعد بقرب الأحبه لما اشوف زجال الحب يكبر ف قلبي أرتجل موال وافرد شراع المحبه ميهمنيش عزّال دا الزجالين عزوتي عمي وابويا وخال ( محمد محمود البهنساوي ) رئيس رابطة الزجالين وكتاب الأغاني
المواضيع الأخيرة
» كنت عايش كدبه حلوه
السبت يناير 21, 2017 8:39 pm من طرف مجدى الهوارى

» إزاى نبقى خوات !!
السبت يناير 21, 2017 8:36 pm من طرف مجدى الهوارى

» ليه ضيعتو قيمة الجنيه ؟
الخميس يناير 05, 2017 8:50 pm من طرف مجدى الهوارى

» وروحك بى لصيقه
الخميس يناير 05, 2017 8:46 pm من طرف مجدى الهوارى

» حبيبه عمرى ...
الخميس ديسمبر 22, 2016 8:25 pm من طرف مجدى الهوارى

» يا حلوة يامجنونة بى
الإثنين أبريل 04, 2016 2:34 pm من طرف محمد يوسف عوض الله

» قصيدة حب شعر محمد البهنساوي
الإثنين أبريل 04, 2016 2:32 pm من طرف محمد يوسف عوض الله

» اجتماع الجمعية العمومية
الإثنين مارس 21, 2016 7:39 pm من طرف محمد البهنساوي

» شطبتك من ديوان شعري شعر محمد البهنساوي
الأحد فبراير 28, 2016 1:15 pm من طرف محمد البهنساوي

أفضل 10 أعضاء في هذا الشهر

شاطر | 
 

 ياسراب كداب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حسن الجمال

avatar

عدد المساهمات : 87
تاريخ التسجيل : 06/04/2011
العمر : 34

مُساهمةموضوع: ياسراب كداب   السبت نوفمبر 12, 2011 8:54 pm


ياسراب كداب أيامه هباب معجونة بهم وغش
وتفاهه ملاها بلاها غباها أمرها تخيب وتكش

وياشعب النيل يالذيذ ياجميل كان ليه طبعك نساي
بعد التعديد بتهز الجيد وبتبكى لصوت الناي
وبكلمة تروح وبقيت بحبوح والنخوة اتكرشت هش
ياسراب كداب أيامه هباب معجونة بهم وغش

وبإسم بلدنا تعالى اتفرج فضائياتنا خراب
عري وتشليح قال إيه تفريح قنوات الفيديو كلاب
طريها وهيص ماتروحش فطيس خليك ياأخينا فرش
ياسراب كداب أيامه هباب معجونة بهم وغش

شياطين يوميا جوه البيت قال ايه دول أهل الفن
دول ناس من عالم تانى ياناس ووباء وبلاء وفتن
من فيلم لفيلم يبيعوا الوهم ويلبسوا مليون وش
ياسراب كداب أيامه هباب معجونة بهم وغش

ونشجع كورة أيوه ياسيدى وماله ياعم الشيخ
ليه بقا نضرب بمب ف بعضينا وبنولع شماريخ
دى رياضة والا دى حرب وضرب وعاير يالله ونش
ياسراب كداب أيامه هباب معجونة بهم وغش

وبلدنا خلاص بقا حنقسمها مابين اسلام ومسيح
ويمين ويسار وادى الجزار عايز ينزل تدبيح
دى الفرقة عيار بيهد جدار لو حتى ماصاب يدوش
ياسراب كداب أيامه هباب معجونة بهم وغش

لو نحكى نقول عن إيه أو إيه دى بلاوى تهد الحيل
مش قايل بقا حاجة تانية خلاص ماغلبنا وطفح الكيل
بإيدنا جانينا علينا ظلمنا نفوسنا وعضمنا هش
ياسراب كداب أيامه هباب معجونة بهم وغش
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عصام ميره



عدد المساهمات : 20
تاريخ التسجيل : 21/10/2011

مُساهمةموضوع: رد: ياسراب كداب   الأحد نوفمبر 13, 2011 10:40 am

روعة ياأستاذ دا إنت طلعت دكتور وشخصت الحالة تمام ياريت الكل يقرأ
ويفكر مائة مرة قبل مايعمل أى حاجة فيها ضرر له وللجميع
مع أجمل تحياتى لك ياأستاذ حسن
عصام ميره
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حسن الجمال

avatar

عدد المساهمات : 87
تاريخ التسجيل : 06/04/2011
العمر : 34

مُساهمةموضوع: رد: ياسراب كداب   الأربعاء نوفمبر 16, 2011 10:29 pm

عصام ميره كتب:
روعة ياأستاذ دا إنت طلعت دكتور وشخصت الحالة تمام ياريت الكل يقرأ
ويفكر مائة مرة قبل مايعمل أى حاجة فيها ضرر له وللجميع
مع أجمل تحياتى لك ياأستاذ حسن
عصام ميره
الاخ الشاعر عصام ميرة
شكرا لك اخى على مرورك وردك الجميل ومجاملتك العذبة
بارك الله فيك ولا حرمنا تواصلك
تحاياي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عصام الحلوانى

avatar

عدد المساهمات : 74
تاريخ التسجيل : 16/03/2011
العمر : 57

مُساهمةموضوع: رد: ياسراب كداب   الأحد يناير 01, 2012 1:02 pm

أخى واستاذى الغالى حسن الجمال

لا استطيع دخول المنتدى دون المرور على موضوعاتك

واشعارك الجميله والتمتع بما تقدم من وجبات تغذى وتمتع الارواح

ان الرائحة الزكيه للراحل بيرم التونسى استنشقها فى عبق كلماتك

واقسم بالله انها تمتعنى حقا بلا اى مبالغه وتجميل

انا لا اسنى عليك لانك فوق السناء

ومن يرى الجمال ولا يقول الله

اكيد ضرير

تحياتى ووافر احترامى وتقديرى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ياسراب كداب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
رابــطــــة الــزجـــالــيــن وكـــتــاب الأغـــــانـــي :: الفئة الأولى :: الزجل-
انتقل الى: