محناش راكبين أنهارك

محناش راكبين أنهارك
محناش ياكبير أنفارك
ولا كنت كبير ولا حاجه
ولا كنا بنسكن دارك
ولاكان الملك فـ ايدك
ولا كنا فـ مره عبيدك
ده الملك لسيدنا وسيدك
ملعونه جميع أفكارك
كان وهم يافانى وعيشته
والظلم سنين حوشته
والخير بغباك طفشته
مين قالك كنت مبارك
كان عرشك خاوى وهايش
كان فكرك دامى وطايش
وماكنتش أصلا عايش
الا لتحميل أوزارك
أما احنا فـ كنا بكارى
ماليين الدنيا طهاره
بيجينا النور باشاره
ولايحوجناش لنهارك
كان لونا الأبيض كاسي
والنوم مطمن راسي
لافـ بالنا فلوس وكراسى
ولاكارنا بيشبه كارك
حنعيش وحننسي سنينك
قوانينا مهيش قوانينك
روح وحدك عيش بأنينك
وبذلك اغسل عارك

أستاذ اشرف مش عارف اقولك ايه بجد مفيش كلام هيوصف اى حرف من حروف القصيده الرائعة دى الله اكبر الله اكبر ربنا يذيدك من نعمه يارب
تقبل مرورى

هشام - النبتيتى كتب:

أستاذ اشرف مش عارف اقولك ايه بجد مفيش كلام هيوصف اى حرف من حروف القصيده الرائعة دى الله اكبر الله اكبر ربنا يذيدك من نعمه يارب
تقبل مرورى

الله أكبر على ذوقك انت ياهشام وعلي حسك المرهف العالى وشاكر لك مرورك الكريم يا أخى العزيزتقبل تحياتى

بجد روعه أنت بحق أستاااااااااااااااااااااااااااااااااااز

الأستاذ / أشرف عطية
متى تعــود ؟!!! أقول هذا على الرغم مما قاله عزيزنا فارس القرشي وعليه أن يبدل حرف (ز ) إلي (ذ)

القضيه
مش فى سرقه ولا نهبه
ولا فى حجم الاذيه

القضيه
لسه فى مليون بليه
عن عيونا متداريه

وشعبنا طيب واهبل
والدواخل هيا هيا

هيا دى بس القضيه
سيدى اشرف عطيه

تحياتى رائع الحس
وملك الحروف

للذكــــــــــــــــــــــــــــــــــــــــــــــــــــــــــــــــــرى

عزيزي أشرف عملك جميل ومعبر ووفقت في إختيار الألفاظ وابدعت في البناء شاعر فاهم وموهوب تحياتي ..العمل جميل فعلا ..وبه تعبيرات لذيذة ..... كعادتك متميز ..