دكتور عصافير

ريشه ناقصة في جناح عصفوره
إيه يعنى .. ماهـو ريشها كتيــــر
مش حيبــــــــان أبدا في الصورة
ولا حيــــكـون له كمــــــان تأثير
العصفــورة الشــــاطرة تفكــــــر
ربنا عنـــــــده كنــــــوز الخيـــر
لو تدعــــى ربنــــــــا يرزقـــــها
بدل الريشـــــة .. عشـــر قناطير
لكن العــصفــــورة المســكــيـنــة
وقـفـت تبـكـى بدون تفـكـيــــــــر
حتى اصحابها .. زعلوا عشانــها
نصحــــوها تحــــــاول وتطيــــر
قالت العـصــــفورة المسكينــــــة
مش قــــادره .. أنا جرحي كبيــر
ساعــدوها .. رفضت تسمعهــــم
وجـــابوا لها دكتـــور عصافيـــر
قال لهــا: مسكينه يا عصفـــورة
مرض "الوهــــــم" حقيقى خطير
حاكتب لك علي وصفـة مفيــــدة
للإنســـــــان .. وكمان للطيــــــر
قبـــل ما نحزن .. لحـظـه نفكـــر
الخـــالـــــق .. عنــده التدبيــــــر
علي فـكــرة!! .. الريشه موجودة
مش ناقصــة .. يا ست العصافير
لكن إنتي .. صدقتــــي حـقـيـقــة
خيــــاليــــة .. زي الأســــاطيــر