رابــطــــة الــزجـــالــيــن وكـــتــاب الأغـــــانـــي
أهلاً بكم على صفحات

منتدى رابطة الزجالين وكتاب الأغاني

منبع الأدب الشعبي في مصر

يسعدنا تسجيلكم معنا


رابــطــــة الــزجـــالــيــن وكـــتــاب الأغـــــانـــي

منتدى عام لرابطة الزجالين وكتاب الأغاني بجمهورية مصر العربية ( المقر الرئيسي بالقاهرة )
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول
باسعد بقرب الأحبه لما اشوف زجال الحب يكبر ف قلبي أرتجل موال وافرد شراع المحبه ميهمنيش عزّال دا الزجالين عزوتي عمي وابويا وخال ( محمد محمود البهنساوي ) رئيس رابطة الزجالين وكتاب الأغاني
المواضيع الأخيرة
» كنت عايش كدبه حلوه
السبت يناير 21, 2017 8:39 pm من طرف مجدى الهوارى

» إزاى نبقى خوات !!
السبت يناير 21, 2017 8:36 pm من طرف مجدى الهوارى

» ليه ضيعتو قيمة الجنيه ؟
الخميس يناير 05, 2017 8:50 pm من طرف مجدى الهوارى

» وروحك بى لصيقه
الخميس يناير 05, 2017 8:46 pm من طرف مجدى الهوارى

» حبيبه عمرى ...
الخميس ديسمبر 22, 2016 8:25 pm من طرف مجدى الهوارى

» يا حلوة يامجنونة بى
الإثنين أبريل 04, 2016 2:34 pm من طرف محمد يوسف عوض الله

» قصيدة حب شعر محمد البهنساوي
الإثنين أبريل 04, 2016 2:32 pm من طرف محمد يوسف عوض الله

» اجتماع الجمعية العمومية
الإثنين مارس 21, 2016 7:39 pm من طرف محمد البهنساوي

» شطبتك من ديوان شعري شعر محمد البهنساوي
الأحد فبراير 28, 2016 1:15 pm من طرف محمد البهنساوي

أفضل 10 أعضاء في هذا الشهر

شاطر | 
 

 زجل قديييييم { كفايه ياحوا } للشاعر ( عادل عوض سند )

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin


عدد المساهمات : 9
تاريخ التسجيل : 09/07/2010

مُساهمةموضوع: زجل قديييييم { كفايه ياحوا } للشاعر ( عادل عوض سند )   السبت يوليو 10, 2010 12:42 am

[center]يا حوا تانى أنا حا اكتب لك

مش راح اسيبلك

وكل غلطه أنا بحسب لك

مطرح ما بروح

لابد يوم تصحى تفوقى

يا جمال سوقى

دا بكره للشيبه تدوقى

والحُسن يروح

على إيه تغطى وبتعرّى

عايزه تسرّى ؟؟

على قلب منكم متبرّى

لطلوع الروح

إيه اللى مقصود رسّونا

لو تنسونا !!

وتبطلوا ف يوم تأذونا

وتملونا جروح

إيه اللى بيدور ف عقولكم ؟؟

طب إيه قولكم

دا نفسنا ف يوم نلاقولكم

لو أى وضوح

بشوف شعورك لمّاها

أو فرداها

عالكتف نازله بتتباهى

خلتنى أحتار

وأشوف حواجب عالفتله

ورموش قاتله

وعيون ما هيش عايزه مجادله

تفشى ف أسرار

والخد مدهون بعنايه

لمسه كفايه

أجيب ورق ويّا دوايه

وأكتب أشعار

والبُق سبحان من شقّه

ودا من حقّه

صابغاه عشان ما احنا نطقّوا

بيبُك شرار

والنحر من أحلى ميزاته

خاص بذاته

ولونه غير لون حزّاته

زى الجمّار

وحاجات كتير منّك بارزه

عايزه مبارزه

وعيون شباب بصّه وعايزه

لو خشّت نار

وبنطلون فسّر كلّه

نفسى اقول له

يشرح لى إزاى يدخل له

الجسم منين ؟؟؟

لابسينه ولاّ دا لازقينه ؟؟

الله يعينه

قماش ولكن حاسدينه

ملزوق فى عجين

عجين بجد ومتخمّر

لمّا إتقمّر

على صنف آدم يتأمّر

قال مش عايزين

صممتوا ليه طب تغرونا ؟؟

وتورّونا

حاجات وبيها تجرّونا

للآخره الطين

دا بكره من شبكه ودانتيل

تعمل بناطيل

عالجسم شكله حا يبقى جميل

وإحنا موافقين

ساعتها راح نشكر أبوكى

واللى جابوكى

علشان ما عرفوا يربّوكى

عرّوا النصين

ما انتم صحيح أكبر فتنه

بتـــفتـــفـتنا

ضاعت هيبيتنا إتزفتنا

خلفة شياطين

وبيكو أحلف ما اتشعلق

برضه أبحلق

وذنوب عليّه بتتزحلق

وأهرب أنا فين ؟؟؟

يارب يا خالق فيّه

قلب هفيّه

طب حوا ليه مستعفيّه

وقوية عين ؟؟

يارب بدعيك تهديها

وتهدّيها

يا إمّا فى مصحه أرميها

ويّا المجانين

أحسن ما نتتجنن إحنا

بعد ما سحنا

فى مجتمع كلّه ماسحنا

بالموضه الشين

بالذمّه إيه سبتى لبعلك ؟؟

بعد ما باعلك

كرامته واصبح يتبعلك

دلدول مسكين

رجاله إيه بس ياربى

اللى تربّى

حريم ما تعرفش تخبّى

كما قال الدين

الله يعوض عالنخوه

يا شناب رخوه

حداد دقيقه مع الأخوه

عالناس الزين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://zagal.alafdal.net
محمد البهنساوي
رئيس رابطة الزجالين والمدير العام للمنتدى
رئيس رابطة الزجالين والمدير العام للمنتدى
avatar

عدد المساهمات : 521
تاريخ التسجيل : 10/07/2010

مُساهمةموضوع: شكر   السبت يوليو 10, 2010 2:40 pm

كلام جميل يا عم عادل
وحشتنا
محمد البهنساوي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
د /صلاح طاهر



عدد المساهمات : 23
تاريخ التسجيل : 25/09/2010
العمر : 55

مُساهمةموضوع: رد: زجل قديييييم { كفايه ياحوا } للشاعر ( عادل عوض سند )   الأحد سبتمبر 26, 2010 4:29 pm

رجالة اليومين دول كدة

عاقانا الله وعافاك

تحياتى

عادل بك سند
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد منصور



عدد المساهمات : 59
تاريخ التسجيل : 27/12/2010

مُساهمةموضوع: رد: زجل قديييييم { كفايه ياحوا } للشاعر ( عادل عوض سند )   الخميس ديسمبر 30, 2010 10:54 am

بالفتنه وصورتها النتنه
من الجنه للدنيا جابتنا
قلبت عشيتنا وغميتنا
ولنار جهنم وديتنا
*******
تعظيم سلام للمحتشمين
تعليقى كان ع المبتزلين
يارب تصلح آخرتهم
قولوا ياللا آمين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أحمد رجب معيط



عدد المساهمات : 4
تاريخ التسجيل : 27/03/2012

مُساهمةموضوع: رد: زجل قديييييم { كفايه ياحوا } للشاعر ( عادل عوض سند )   الثلاثاء مارس 27, 2012 11:56 pm

كلام فى الصميم استاذي الكبير

عادل سند الله عليك

قلت وابدعت يا فنان

دمت بخير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
فرج محمد

avatar

عدد المساهمات : 51
تاريخ التسجيل : 02/11/2012
العمر : 67
الموقع : www.facebook.com/farag.afify

مُساهمةموضوع: رد: زجل قديييييم { كفايه ياحوا } للشاعر ( عادل عوض سند )   الجمعة نوفمبر 09, 2012 8:10 am

حقيقي إبداع .. في كل عناصرة .. اللفظ .. المعنى .. تركيب الجمله .. وحدة الموضوع .. الموسيقى النقديه المرحة .. الهدف .. والمضمون .. شكرا لهذه القصيدة الرائعة .. و يا رب يهدي بنات حوا .. وحتى ذلك الحين .. علينا غض البصر.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.poetrypoem.com/benazouz
 
زجل قديييييم { كفايه ياحوا } للشاعر ( عادل عوض سند )
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
رابــطــــة الــزجـــالــيــن وكـــتــاب الأغـــــانـــي :: الفئة الأولى :: الزجل-
انتقل الى: