الثورة والغربان

يا ثورة ماتمت

خدها الغراب وطار

لا طلنا فيها طبلة

ولا حتي طلنا طار

والدم غرق بلدنا

والنار في كل دار

وتموت زهرة شبابنا

علي ايد خبيث غدار

يا ثورة ما تمت

خدها الغراب وطار

لا شفنا فيها نهضة

ولا شفنا فيها عمار

ولا عاد فيها سياحة

والاقتصاد منهار

وزاد علينا الفتنة

مش ناقصة هي دمار

والفوضي ف كل شارع

والحزن ف كل دار

يا ثورة ماتمت

خدها الغراب وطار

والعدل هيبتة راحت

يوم ما هانوا الدستورية

و المحكمة في حصار

ياعيني عليكي يا بلدي

بقينا في زمن العار

المصري بيقتل مصري

والدم سال انهار

والموت ما عاد لة حرمة

في جنازة بضرب النار

يارب انقذ بلدنا

من حفنة الاشرار

يا ثورة ما تمت

خدها الغراب وطار

***********************[b][strike]

الشاعرة / سلوى سيد عبد العزيز
أولا : نورتي المنتدى ... وليه الغيبة الطويلة ؟؟
ثانيا :القصيدة جميلة ومعبره ورصدت الواقع المر الذي نعيشة
ثالثا : بحثت عن اسمك بين المتسابقين في مجال الأغنية عن عام 2013 فلم أجده ياخسارة مبدعة مثلك لا يجب أن تتوقف
خالص تحياتي واحترامي لحضرتك

استاذي ومعلمي كتب

الشاعرة / سلوى سيد عبد العزيز
أولا : نورتي المنتدى ... وليه الغيبة الطويلة ؟؟
ثانيا :القصيدة جميلة ومعبره ورصدت الواقع المر الذي نعيشة
ثالثا : بحثت عن اسمك بين المتسابقين في مجال الأغنية عن عام 2013 فلم أجده ياخسارة مبدعة مثلك لا يجب أن تتوقف
خالص تحياتي واحترامي لحضرتك
**********************

دي شهادة جميلة اعتز بها كثيرا

انا مقلة من الظهور والكتابة عشان جالي احباط من اللي بيحصل في البلد

لكن اعمل اية باضطر ارجع اكتب تاني عشان الكتابة هي المتنفس الوحيد لنا

وبعدين برضة عندي امل كبييييييييييييييييييييير في ربنا

قول معايا يارب احفظ مصر

تحياتي استاذي العزيز