اخلعينى للزجال جمال عزيز ضاحى

اخلعينى
اخلعينى وارحمينى من النكد ومن العذاب
اخلعينى وريحينى من المشاكل والسباب
اخلعينى اتنازلك ع السرير ويا الدولاب
دانتى خليتى حياتى حرب قايمه وانقلاب

اخلعينى بالهداوه مستحيل انا اعيش معاكى
صدقينى يوم ما يحصل هكسر القله وراكى
وانسى اسمك وانسى سيرتك
ريحينى من ازاكى
المصدر ..كتاب الوان من الادب الشعبى مارس 2003

والله زجلية جميلة من الزجال جمال عزيز ياريت يا استاذ سرور تعمل زية وتطلب الخلع وتريح نفسك من الهجمات اللي عمال تشنها علي الستات وتجيب من الاخر

تحب اشوفلك واحد محامي
انا في الـخــــــــــدمة

سلوى سيد عبدالعزيز كتب:: والله زجلية جميلة من الزجال جمال عزيز ياريت يا استاذ سرور تعمل زية وتطلب الخلع وتريح نفسك من الهجمات اللي عمال تشنها علي الستات وتجيب من الاخر

تحب اشوفلك واحد محامي
انا في الـخــــــــــدمة

والله ضحكتينى ياسلوى
بس متقلقيش باب النجار
مش مخلع

عدد المساهمات : 70 تاريخ التسجيل : 20/10/2010

شكرا للشاعر الجميل محمد سرور
على هذه الكلمات الجميلة

عدد المساهمات : 50 تاريخ التسجيل : 06/11/2010

ايوة طبعا ها اخلعك

لما يبقا

ملكش لزمة ف الحياه

عمرى تانى ما صدقك

كداب قرارى

كل اصحابك جُناه

هاخلعك مش عاوزة حاجة

عُمرى شاب وياك صباه

ذنبى راح يفضل وراك

يقلق النوم جوة عينك

ف الصباح ويا مساك

الله على هذا التواصل الجميل
استاذه هناء ........
دانتى استاذه كمان فى الزجل
تحياتى وكل عيد وانتى بخير

عدد المساهمات : 50 تاريخ التسجيل : 06/11/2010

اشكرك استاذى الفاضل / محمد سرور

انا لسة بتعلم من روعة ماتخط اقلام العظماء

مثلكم دمتم جميعا بخير وسعادة

كل لحظة وانت بالف صحةوسلامة

عدد المساهمات : 59 تاريخ التسجيل : 27/12/2010

لو كونت ناب وبيوجعك
كونت اخلعك
واديك سريرك والدولاب
واحشيلى ناب
بجدور متينه كويسه
وماهيش ضعيفه
ملخلخا ومسوسه
ياعزيز ياضاحى
اكان مضايقك عشرتى
وزنى ونواحى
هغطى عينى
بطرحتى وشالى ووشاحى
ومد ايدك اليمين
واكسر جناحى
********
المرأه امك واختك وبنتك وزوجتك اصبر عليها واحتسب
مع احترامى للاستاذ جمال
هذه دعابة شعريه غير مقصود منها شخصكم الحبيب