يوم سته في شهر اكتوبر
والعام دا تــــلاته وسبعيـــن
حققنــا النـــصر بعــــــزه
وماعدش " يونيو "حزين
التار خدنـاه بإيـــــــدينـــا
بشجاعة ونصــــر مبــــين
بإرادة الشعــب الصامـــد
ورجال جيشنا الصاحــيين
***
" بارليف " الساتر العــالي
بيزيــد إحساس القهـــــر
وقناتــي قصـــادي بتغلـــــي
صهيون ساكــــن ع البـر
وجنــوده بتلعب كــــــــوره
والبعض يعـوم في البحر
أوغـــاد بتعانـــــــد فـيـنــِّــا
م الصـبح لبعـد العصر
***
وكتـير بينــــــادوا علينـــِّـا
سنة سـوده يا مصــرين
جـــايين في المـرة التانية
على شبرا ورأس التين
والدم بيغـــــلي في راسي
وسلاحي ف إيدي حزين
والقلب بحرقه بيشــــكي
والنبض ف صدري أنين
***
يوم سته في شهر اكتــوبر
الساعة اتنــــين الضهــر
من غرب لشرق لقينــــــا
أسراب طـــيران بتمــــــر
والعلـم المصري عليهـــا
و "الميــج" بيصد الغدر
مدافعـــنا تـــدك الســاتر
بارليف"،أخــــدود"العصر
***
وقوارب شايله جنــودنا
بتعــــدَّي لـــهـــدّ بنــــــــــاه
ومــدافع ميـــه بتهــــدم
والقـــــــــــــدرة إراده الله
وف ست ساعات مش غيرهم
الخط الســــاحـر تـــــــــاه
وجنود صهـيون مدبوحة
وعلمنــــا فـــــوق محـــلاه
للنصر حـــلاوة ومتعـــــه
نترحَّـــم ع الشهـــــــداء
نقرى في دعانا الفاتحـــه
مهما تكون الأســـــــماء
جرجس أو فادي وعـــبده
الكـــل في جيشنا ســواء
مصر المحروسة بلــــدنـا
وشبابنا بــــــروحه فــــداء
السبت يناير 21, 2017 8:39 pm من طرف مجدى الهوارى
موضوع: وحتى لا ننسي حرب اكتوبر شعر محمد البهنساوي