| مش ليا | |
|
+7فارس القرشي سلوى سيد عبدالعزيز محمد البهنساوي محمد عصمت راضى محمد مديح الزجال محمد سرور أبوعدنان 11 مشترك |
كاتب الموضوع | رسالة |
---|
أبوعدنان
عدد المساهمات : 13 تاريخ التسجيل : 08/08/2010 العمر : 36
| موضوع: مش ليا السبت سبتمبر 04, 2010 2:55 am | |
| (مش ليا)
هقول ف الأولى (مش ليا) وأقول ف التانية (مش ليا) و(مش ليا) هقول التالتة ف الموال خلاص خلصت ومش لاقى كلام يتقال حروف دبلانة ع الأوراق بلون باهت وخوف ملفوف على جدورى وأحلامى بقت تايهة وأشواقى... كمان تاهت ومش باقى ... غير إنى أنوح كما الطير اللى كان باقى على حلمه وكان نفسه ... يعيش ويطير وفجأة الطير... صبح مدبوح وأنا زيّه حلمت بحضن يسكنّى حلمت بروح حلمت بقلب يحضنّى ويبقى لى كتاب مفتوح حلمت بإنى أكتبله قصايد نور وأغنيله حلمت بإنى أكون شمسه وأكون ليله حلمت بإنى أديله الحنان كله حلمت بقلبى يجرى عليه عشان يحكيله ويقوله : (بحبك) قولى رأيك إيه ؟ حلمت بإيده ف إيديا حلمت بعينى جوه عنيه حلمت وكل أحلامى كانت باهتة وقلبى لقيته متكسر بدال الحتة 100 حتة وأكبر حتة فيا بقرش وأنا ساكت ... وأنا ساكت بقالى زمان على دا الحال مبتكلمش ويبقى الحب قاتلنى وقدامها مبتألمش بخاف لأضعف وشوقى يبان بخاف لأصبح أسير غلبان بكلمة ... ينقلب حالى وأكون ولهان بنظرة عينها... تأسرنى بلمسة إيدها... تقتلنى بلون صوتها ... تغربلنى ولو غابت فى يوم عنى ... أبات سهران وألاقى حالى متلخبط وأكون حيران وساعتها ... أقوم وأصحى وأقلبها كده ف راسى وأشاور قلبى وعينيا وأشاور تانى إحساسى وأقول : أنا حالى عاجبنى وعال العال وغنيوتى وموالى ... هيبقوا برده (مش ليا) ما أنا اصلا مانيش روميو ومش عايز أكون عنتر ولا عايز أكون خيال يومين والتانى بلقانى ... بحب الخيل ونفسى ف مهرة تكسرنى وتحيينى تحيرنى تخلينى ... أبات الليل أفكر فيها و أتمنى أكون ليها وأعيش ف الجنة وياها وأشيل الأهة من صوتى وأقول ف الأولى (حبيتها) وأقول ف التانية (حبيتها) و(حبيتها) هقول التالتة ف الموال خلااااااااااااص خلصت ومش لاقى كلام يتقال
******* | |
|
| |
الزجال محمد سرور المشرف العام
عدد المساهمات : 437 تاريخ التسجيل : 10/07/2010 العمر : 51
| موضوع: رد: مش ليا الأحد سبتمبر 05, 2010 12:37 am | |
| خلاص خلصت ومش لاقى كلام يتقال حروف دبلانة ع الأوراق بلون باهت وخوف ملفوف على جدورى وأحلامى بقت تايهة وأشواقى... كمان تاهت ومش باقى ... غير إنى أنوح
جميل يا ابو عدنان هذا الاستهلال وجميل هذه المشاعره الرومنسيه تحياتى لقلمك
عدل سابقا من قبل محمد سرور في الخميس سبتمبر 09, 2010 9:32 pm عدل 1 مرات | |
|
| |
أبوعدنان
عدد المساهمات : 13 تاريخ التسجيل : 08/08/2010 العمر : 36
| موضوع: رد: مش ليا الأحد سبتمبر 05, 2010 4:41 pm | |
| الزجال الرائع محمد سرور شكرا لهذا المرور الجميل العاطر ودمت ودام منتدى محمد سرور بكل حب | |
|
| |
الزجال محمد سرور المشرف العام
عدد المساهمات : 437 تاريخ التسجيل : 10/07/2010 العمر : 51
| موضوع: رد: مش ليا الخميس سبتمبر 09, 2010 9:31 pm | |
| عزيزى الغالى والاخ الكريم ابو عدنا شكرا لردك ولكن المنتدى منتدى الرابطه وليس منتدى محمد سرور فانا اقل فرد فى هذا المنتدى تقبل تحياتى | |
|
| |
محمد مديح نائب المدير العام للمنتدى
عدد المساهمات : 38 تاريخ التسجيل : 09/07/2010
| موضوع: رد: مش ليا الأحد نوفمبر 14, 2010 12:45 pm | |
| | |
|
| |
محمد عصمت راضى
عدد المساهمات : 7 تاريخ التسجيل : 22/11/2010
| موضوع: تحيه وتقدير الخميس ديسمبر 09, 2010 9:52 am | |
| وأنا ساكت بقالى زمان
على دا الحال
مبتكلمش
ويبقى الحب قاتلنى
وقدامها مبتألمش
الله عليك يا وليد
جميل ومبدع دائما
تحياتى
| |
|
| |
محمد البهنساوي رئيس رابطة الزجالين والمدير العام للمنتدى
عدد المساهمات : 521 تاريخ التسجيل : 10/07/2010
| موضوع: رد: مش ليا الخميس ديسمبر 09, 2010 12:40 pm | |
| الأبن والشاعر المتمكن / أبوعدنان قصيدة رائعة ... بس ايه يا عم الكلام الكبير قوي ده : ونفسى ف مهرة تكسرنى وتحيينى تحيرنى تخلينى ... أبات الليل أفكر فيها و أتمنى أكون ليها وأعيش ف الجنة وياها وأشيل الأهة من صوتى وأقول ف الأولى (حبيتها) وأقول ف التانية (حبيتها) و(حبيتها) هقول التالتة ف الموال انت مش خايف من المدام يا وليد تحياتي
| |
|
| |
أبوعدنان
عدد المساهمات : 13 تاريخ التسجيل : 08/08/2010 العمر : 36
| موضوع: رد: مش ليا الخميس ديسمبر 09, 2010 8:13 pm | |
| - محمد البهنساوي كتب:
الأبن والشاعر المتمكن / أبوعدنان قصيدة رائعة ... بس ايه يا عم الكلام الكبير قوي ده : ونفسى ف مهرة تكسرنى وتحيينى تحيرنى تخلينى ... أبات الليل أفكر فيها و أتمنى أكون ليها وأعيش ف الجنة وياها وأشيل الأهة من صوتى وأقول ف الأولى (حبيتها) وأقول ف التانية (حبيتها) و(حبيتها) هقول التالتة ف الموال انت مش خايف من المدام يا وليد تحياتي
أستاذى الشاعر الكبير / محمد البهنساوى شكرا على مرورك الطيب الجميل وطبعا أنا مش خايف لإن المهرة اللى أنا بتمناها هى أم عدنان دمت طيبا | |
|
| |
محمد البهنساوي رئيس رابطة الزجالين والمدير العام للمنتدى
عدد المساهمات : 521 تاريخ التسجيل : 10/07/2010
| موضوع: رد: مش ليا الأحد ديسمبر 12, 2010 10:14 am | |
| أبو عدنان حبيبي عرفت تهرب بذكاء الشاعر التمكن لك حبي وتقديري | |
|
| |
سلوى سيد عبدالعزيز مشرفة الصوتيات والمرئيات
عدد المساهمات : 192 تاريخ التسجيل : 21/07/2010
| موضوع: رد: مش ليا الأحد ديسمبر 12, 2010 4:57 pm | |
| ياة ياة ياة خبر ابيـــــــــــــــــــــــــــــــــض اية الحلاوة دي يا ابو عدنان رااااااااائع تقبل تحياتي | |
|
| |
فارس القرشي
عدد المساهمات : 81 تاريخ التسجيل : 06/11/2010 العمر : 48
| موضوع: رد: مش ليا الجمعة ديسمبر 17, 2010 6:19 pm | |
| احساس رائع وأبداع متميز وموهبه صادقه :حقيقي مبدع | |
|
| |
محمد منصور
عدد المساهمات : 59 تاريخ التسجيل : 27/12/2010
| موضوع: رد: مش ليا الخميس ديسمبر 30, 2010 9:06 am | |
| قصيده ها اقوم احييها واقوم التانيه احييها واقوم التالته فى الموال قدرت الكلمة تحييها تغنيها تخليها كلام صاحى كلام يتقال
| |
|
| |
هناء سعيد
عدد المساهمات : 50 تاريخ التسجيل : 06/11/2010
| موضوع: رد: مش ليا الثلاثاء مارس 22, 2011 8:40 pm | |
|
ما أنا اصلا مانيش روميو ومش عايز أكون عنتر ولا عايز أكون خيال يومين والتانى بلقانى ... بحب الخيل ونفسى ف مهرة تكسرنى وتحيينى تحيرنى تخلينى ... أبات الليل أفكر فيها و أتمنى أكون ليها وأعيش ف الجنة وياها وأشيل الأهة من صوتى وأقول ف الأولى (حبيتها) وأقول ف التانية (حبيتها) و(حبيتها) هقول التالتة ف الموال خلااااااااااااص خلصت ومش لاقى كلام يتقال
وانا مش عارفة اقولك ايه؟
على المعنى على الموال
كلامك زين
وخلتنى أردوراك وادعيلك
حورية تكون من الجنة
يسلم قلبها لعينك
بدبلة فضة تشبكها
مع الخلخال
من وحى كلماتك الرائعة مع امنياتى بان تهتدى لأمنياتك
| |
|
| |
أبوعدنان
عدد المساهمات : 13 تاريخ التسجيل : 08/08/2010 العمر : 36
| موضوع: رد: مش ليا الأربعاء يونيو 22, 2011 10:49 am | |
| الشاعرة الجميلة / هناء سعيد شكرا للمرور العاطر الفوّاح دمت رائعة | |
|
| |
عبد المطلب عمران
عدد المساهمات : 31 تاريخ التسجيل : 23/12/2011
| موضوع: رد: مش ليا السبت ديسمبر 24, 2011 8:12 am | |
| تحياتي لحضرتك يا ابو عدنان ايه الجمال ده | |
|
| |
فرج محمد
عدد المساهمات : 51 تاريخ التسجيل : 02/11/2012 العمر : 74 الموقع : www.facebook.com/farag.afify
| موضوع: رد: مش ليا الخميس نوفمبر 08, 2012 5:18 pm | |
| أبو عدنان .. الشاعر الرائع .. وكلمات .. وموسيقى .. ومعان .. ودنيا .. تأخذ الألباب إلى ما أنت تكتبه .. وتشعره .. وترويه .. فهنيئا لك على هذا الإبداع .. وشكرا لإتاحة هذه المساحة الجميلة .. مع أطيب تمنياتي لكم بالمزيد والمزيد .. وكل جيد وجديد | |
|
| |
| مش ليا | |
|