بعد عدك للنجوم

لو تنسي
سهر الليالي يفكرك
من بعد سهرك كل يوم
وبعد عدك للنجوم
ايه اللي جد وغيرك
........................................
وحلفتلي
انك ما تقدر ع البعاد
سلمتلي
قلبك وشوقك والفؤاد
ورجعت ولا انك هويت
ولا لومت مره ولا اشتكيت
ولا عشت ترضالي الرضا
ولا قلبي تعب منك ندا
ويوم ما هداني الهدي
وف روحك عشت وارتضيت
مالقيت غير منك عناد
رغم ان قلبي شالك ف حضنه وعطرك
............................................
لو تنسي
سهر الليالي يفكرك
من بعد سهرك كل يوم
وبعد عدك للنجوم
ايه اللي جد وغيرك
......................................
يا حبيبي
لو كنت حبيتني بصحيح
وكنت من يومك صريح
كان الغرام خلاك قريب
اقرب واقرب م الحبيب
اصل الغرام مش كلمه ف كلام
ولا نظره بتعدي وسلام
ولا وعد منك تقطعه
ولا عهد تنسي ترجعه
صدقني فعلك ده غريب
كان من زمان قبل لما احبك واخسرك
.......................................
لو تنسي
سهر الليالي يفكرك
من بعد سهرك كل يوم
وبعد عدك للنجوم
ايه اللي جد وغيرك