رسالة الى الابطال

[ولدى]
سلامى اليك ولرفاقك ولاد الارض اخوانك
يازهرة عمرى بدعيلك وضحى بروحى علشانك
ماهو انت دنيتى وعمرى ومصر الحب بستانك
********************
بقلب الاب مشتاق ليك وليل نهارى مستنيك
وبحلم امتى ترجعلى وشوفك يابنى وافرح بيك
يا اغلى من ضيا عينى انا شايف شبابى فيك
*********************
حقيقى يابنى دا الواجب دى بلدك مصر
وبيكوا يابنى تتعاجب تقول ......للعصر
ولادى من زمان ياتاريخ جبولى الف نصر ونصر
*********************
بقولك بص قدامك فى ارضك ثبت اقدامك
وامشى بهمة ياولدى تحقق كل احلامك
ولو شفت العدو بيطل احرق فيه ووريله سواد الليل
عشان ترجع تلاقى الدار غيطان خضرة وصحرة عمار
ونا وانت نعلى جدار ونمشي نكمل المشوار

حقيقى يابنى دا الواجب دى بلدك مصر
وبيكوا يابنى تتعاجب تقول ......للعصر
ولادى من زمان ياتاريخ جبولى الف نصر ونصر
استاذى الشاعر الكبير هدايه البهنساوى
تحياتى لقلمك المبدع
ولنصك الذى يجسد حب الوطن
تقبل مرورى

دمت شاعرنا الجميل

مبدعاً كالعادة

تقبل مودتي

محمد مديح

انا مش قلتلك كلامك جميل يامصرى