صرخة طفولة......!
إيه ذنبنا ؟!
صوت الرصاص يقتل غنانا وضحكنا؟
إيه ذنبنا ؟!
نبكي على حلم السنين طول عمرنـــــا
من حقـنا..
نلقى السلام طارح مخضّــر أرضــــنا
من حقـنا..
نحلم ب يوم الخـوف يفــــارق حيـــّــنا
من حقـنا..
من غير فزع نرضع أمان من أمـّــــنـا
أنا فـل أبيض كان جيراني وردشانة وسوسنة
وانا وردة بيضا داق عبيري كل عاشق للغنـا
وانا عود قرنفل كنت ب ارمز للسعادة والهـنــا
إيه ذنبنا ؟!
كف الحروب ف الدنيا تحرق زرعنا؟
الفل الابيض صارسواده لون حداد مقسوم لنا
والوردة دبلت من بكاها ع اللي صابها كام سنة
عود القرنفل شاخ وعجـّـز وانكسـر لمّا انحنى
من حقي أفرد بسمتي..
وامسح بكاي ودمعتي..
واطلق لريحي خطوتي.............
من غير لغـم مزروع لنــا
صرخة طفولة بتناديكم تحت أنقاض البنـــا
ياللي ملكـتوا البندقية وخدتوا بيها أرضنـــا
الخير كتير والأرض واسعة وتساعينا كلنا
مين بس قال ان الحضارة ترتوي من دمنا؟
مين بس قال ان الضيا معناه تطفوا شمعنا؟!!
إيه ذنبنا؟!
يعلى ويعلى صرحكم ويهيل تراب على عشنا
إيه ذنبنا؟!
يغـتــال صاروخكم البراء ة والطفولـة منـّــنا
من حقنا..
صـــوت الأدان يعـــلى يكبـّــــــــر ربّـنـــا
ورنين ب يعلن ف الكنيسة وحدة عالية عندنا
من حقي ترجع فرحتي..
من حقي اعلي ضحكتي..
والنور ينــوّر ســــكـّتي.................
و الشمس تملا قـلبنا
من غير سلاح
من غير دمـار
من غير معانا..وضدنا
من حقنا.....
من حقنا.....
من حقنا.....&
عربي شريف
السبت يناير 21, 2017 8:39 pm من طرف مجدى الهوارى
موضوع: صرخة طفولة....! 