كل الحجاج جاين افواج
كل الحجاج
جاين افواج
من كل مكان
من بعد بيات
طالعين عرفات
يدعوا الرحمن
ولا مجد وجاه
الا لله
هو الديان
جاين بخشوع
تسبقها دموع
قصدين الباب
جاين لله
يتمنوا رضاه
والقلب مهاب
مين غيره رحيم
وعظيم وكريم
غيرالتواب
والكل يطوف
ع الكعبه الوف
بلسان واحد
يرجموا شيطان
عدوا للانسان
وعليه جاحد
ويقولوا لبيك
الخير بيديك
انت الواحد
يشربوا من زمزم
ميتها دى بلسم
وسببها رضيع
جاين تايبين
ومين غير مين
غفار وسميع
وفى كل ادان
صلى ع العدنان
ده حبيب وشفيع
حجه مقبوله
وذنوب مغفوره
لكل الحاجين
ويا رب يا ريت
حجاج البيت
يرجعوا سالمين
واكتبها الينا
للحج اهدينا
ما تقولوا امين
الزجال
محمد سرور