بس افتكر شعر محمد البهنساوي

بس افتكر
مين فينا هــوَّ اللــي انظلــــم **** في الحب واتحمِّل عذاب
أنا مش ح أقول مين السبب **** وابـدأ معاك تاني العتاب
دانا يامــا قلبي عليك قلـــــق**** وانت اللي بادي بالغياب
لا يا جارحــني.....بقسوتك **** أنا قلبي كان حبك وتاب
بس افتكر
مين فينا هوَّ اللي اتنســــــى **** وف بحر عالي بدون شراع
مين فينا هوَّ اللي ابتـــــــدي **** بالهجــر واتجــرأ وبـــــــاع
وعايزني أرضى بقســـوتك **** عمري ما أقول أمرك مطاع
واذا كان لـــراحتك نفتــرق **** قولها خلاص من غير خداع
بس افتكر
اخلاصي هــوَّ اللي انظلــم **** واياك تقول ننسى اللي فــات
مـا انا برضه لازم أفتكـــر **** هوَّ اللي بينا كــــان ساعـات
دا ايــام كتيرة بالســــــــهر **** وايام كتيـــــره بالآهـــــــات
وان كان ضروري حنفترق **** عمري ما ح انسى الــذكريات
بس افتكر
إن جيت لي بكره تعـــتذر **** وف ذل واضــــح وانكســــار
راح أقولك ابعـــــد مش أنا **** كنــا زمـــان لســـه صغــار
هـــوَّ اللي ضاع يوم وانظلم **** يرضى بمـــــرارة لنتظــــــار
لا ياجارحــــني ... مش أنا **** انا قلبي رافض للحـــــــوار