( يا رئيسنا يا اّيــــــه )
بلا شغل ودان .. وكــــــــــــلاّم صبيان
خلّيـــــك على طول وبــــــلاش دوران
عايز اصلاح .. متقولـــــــــش ده راح
الجرح كبيــــــــــــــــر عايزين جرآح
ياما قلت كتيـــــــــر .. اكبــــر يا كبير
خلّيــــــــــــك بقى عال سيب المزامير
وعد ال 100 يــوم ..كان حلم ف نوم
لو نازل بـــــــــــــــــــــحر اتعلم عوم
الشعب خــــــــلاص .. مبقاش بلاص
لا يهمه ســـجون ولا ضرب رصاص
لو كنـــت نضيف .. وشريف وعفيف
كن ويا الحـــــــــــــــق وامسك سيف
قاتـــــــــل اعدام .. الحكـــــم ده عام
وده عنـــــــــــدى جزاء كل الأجرام
مـش ده من جنس وده من جنــــــس
وده ابن مـــــــلاك وده ابن الانــــس
ده سجن حقير .. الفين فى سريــــــر
فوق بعض رفــــوف متقولش حميــر
وده سجن أميـــر .. مفروش بحريـــر
معقــــــول مسجون تخدمه أماميــــــر
مفيناش تمييز .. ولا لأبــــــــن عزيز
مسجون مسجون الكوســــــــــــة بليز
للعدل ميـــزان .. مفيهوش احســـــان
ولصاحبه الذكـــــــــرى فى كل زمان
يا سعادة البيـــه .. يا رئيسنا يا اّيـــــه
عايزينك مرسى ونرسى عليـــــــــــه
عايزينك مرسى
ونرسى عليـــه