أخبار جديده

كل يوم .. أخبار جديدة
عن ضحايا .. أو دمار
والخطر .. في كل بقعه
من عالمنا .. ليل نهار

سيطر المارد علينا
والهدف خلف الستار
و احنا .. في المولد .. مشينا
تحت تأثير الشعار

سحر ده .. لا .. لا .. دى غفلة
أو تداعي .. وانهيار
نظرة للماضي .. تقول لك
احنا .. في دور الاحتضار

يوم شغلنا .. هم يومنا
صرنا في وضع انكسار
انفصلنا .. عن نفوسنا
والكلام .. غير القرار

الريموت .. في ايدين غريبة
والجهاز .. مالو اختيار
و احنا .. من طيبة قلوبنا
اندمجنا .. في المدار

و اغتربنا .. عن مسارنا
والوصول .. ماله .. مطار
لما أنكرنا جذورنا
أرضنا .. صابها البوار