عتاب الشهيد

زعــــــلان منك .. يا ريس .. مع إنك .. منتخــــــب

إعـــــلانك .. مش كــويس .. وحيجيب .. التعــــــب


زعـــــلان علشان .. نسيتني .. وحقي كله .. ضــاع

وبإعـــلانك .. أذيتني .. وطفيت .. أجمـــل شعــــاع


زعـــــلان منك .. يا دكتــــور .. وكان .. أملي كبير

تحب مصـــــــر .. أكتـــر .. وتشوف بلدنا خيــــــــر


زعــــــــلان .. وحقي أزعل .. علشــان عايز أعيش

وكأني في أسرة واحــــــدة .. شرطه وشعب وجيش


فين .. الديموقــراطيـــــة .. والعــــــدل .. والحــرية

وكرامـــــــة إنســــــانية .. ومحـــــاكمة بلطجــــــية


يا ريس .. أنا انتخبتــك .. علشــــــان تبــــدأ ولايتك

بتــــاريخ جديـــــد لبلدي .. مش إعلان فيه وصايتك


يا ريس .. عايــز اقــــــولك .. حقيقي زعلــــت منك

علشــــان أجلت وعدك .. وعايز تحكم .. لوحــــــدك


دمي لســــه فى رقبتك .. وشــــبابنا المظلوميـــــــن

وأنتى الريس .. يا ريس .. ولابــد تـكون أميـــــــن


يا ريس مصر غـــــالية .. رايتها .. الحـــــرة عاليـة

وإنت يا ريس .. موظــف .. ولك .. مدة .. وماهيــة

الله عليك يا شاعر

تسلم ايدك

انا كنت متوقعة لكل اللي بيحصل من حكم الاخوان

وعلي فكرة مفروض اي رئيس لازم يكون غير منتمي لاي حزب حتي لا تتحول البلاد

لحرب اهلية ودة برضة انا توقعتة وحزرت منة كل معارفي الا ينتخبوا احد منهم

لكن نعمل اية في ناس تحت خط الفقر بتاخد زيت وسكر وبطاطس في القري والنجوع

ولا تعرف السما م العمي هي دي الي اختارتهم

وربنا يخلصنا من الكابوس دة

تحياتي

وانا معك في هذا العتاب الموفق وربنا يستر علينا بعد شهور قليلة الكل بقي ضدة واتضح انة لا يحكم ..طالب نجح في الثانوية وبابا جاب لة عربية وقالوا سوق وطبعا هو لا يعرف السواقة فدخل في القهوة وطلع علي الرصيف وخبط في العمود ..ولســـــــة !!!!!

زميلتي الشاعرة المبدعة سلوى عبدالعزيز .. وزميلي الشاعر المبدع أحمد حسن عمر .. أشكر لكما حضوركما الدافئ الحميم .. ومشاركتي هذا الاحساس الباكي .. فأقول:

هبت رياح العاصفة
تطلب حقوقنا المنصفة
ترفض .. بكل الألسنة
إعلان .. بنوده مؤسفة

ارجع .. ياريس للصفوف
الشعب كله قلق .. وخوف
إعلان سيادتك .. للأسف
وضعنا .. في أسوأ ظروف

أخوكم فرج

الشاعر المبدع / فرج محمد
ابداع راقي في ظروف سيئة نمر بها جلعتني أكره هذا الفصيل المتأسلم

أستاذي الفاضل الكريم .. والشاعر المبدع المكرم .. مروركم وتعليقكم الرائع .. فخرا لي .. اعتزازا بكلماتي الباكية .. وادعو الله ألا يتحول بكاء الكلمات إلى بكاء العيون والقلوب يوم السبت أول ديسمبر .. بسقوط مزيدا من شبابنا الثوار الأحرار