النهضة ابادة شعب

اضرب اقتل اسحل فينا
ضربك فينا بيقوينا
والرحمن هو اللى حمينا
احنا شباب الحرية
لينا كرامة وشجاعة قوية
مش هنقبل قرارات فرعونية
ولا دستور للاخونجية
يالى انت فاكر نفسك فوق
اللى فوق هو الرحمن
وفى البحر اختفى الطغيان
وبأمر الله غرق اخر التيجان
لابد من وقفة قوية
ضد قرارات الاخونجية
هيوصلو البلد لحرب اهلية
وكفاية بقى اتفاقات سرية
دى مفضوحة اعلامية
بطل ضحك على الدقون
انت كدة قولت المضمون
ثوار اية اللى هتجيب حقهم
بعد مادست على دمهم
وقمرت الدخلية بضربهم
وحياة ليالى سودة عشناها
اتبددت بالشمس وضحاها
لبيع عمرى كلة فداها
وهنفضل صحين
وقدمنا حلم السنين
مش هتنازل عن حقى فيها
وهقدم روحى ليها
وهاعيش احميها
وهاأحارب كل من يأذيها

سلمت يداك بنت النيل بحق وحقيقي
اضرب اقتل اسحل فينا
ضربك فينا بيقوينا
والرحمن هو اللى حمينا
احنا شباب مصرالحرية

المعاني جميلة والعمل جيد والفكرة موفقة
سطر 3 ( حامينا ) وليس (حمينا )
سطر 4 ( إحنا شباب مصر الحرية ) بدل ( إحنا شباب الحرية )
مراجعة الوزن قليلا
لكن لا شك من خلال ما قرأت انـت شاعرة جيدة ..في الفكرة ..وفي التناول والرأي والصور التي جاءت موفقة ومعبرة
تحياتي وتقبلي كلمات ( وفي النهاية هو مجرد رأي شخصي )

شِكرا استاذى العزيز لمرورك الكريم
استاذى البهنساوى

اشكرك لمرورك الكريم وشكرا لملاحظاتك لانى اتعلم من اساتذه الرابطة مع وافر تحياتى

علي فكرة ح اقولك حاجة غريبة
التعلم نوعين
من الكويس عشان اعمل زية
من الوحش عشان ما اعملش زية
والرابطة بها عدد من الشعراء الفطاحل المتميزين وعدد رائع من الزجالين
والجميع يتعلم من الجميع ...