أنا مش عمّــــــــــــو ..!!

أنا مِش عـمّـــــو ..!!

******************

كل شــويّة تقول لي يا عـمّــــــــو !!

لمّا الــنـــاس حـــــوالينا إتخـــمّـــــــو

خــايفة تقـــــول للنــاس دا حبيبي

لاحســــن (حمدي) يبــلّغ ( حمّو )

**********
بـــس أنـــــا طبعـــــاً ح اعـلن حبّي

حتي إن سـمعــوا الناس وإتلـمّـــــوا

لازم أعـــــبّر ع اللي ف قــــــــلبي

حتي إن زعــلوا اللي مـا يتســـمّـــوا

************
أنــا مش هأعـــشق إبــــــــدا غيرها

حتي لــــو إتــــــزوّقـوا وإتحــمّــــوا

أنـا مــش هأعشــق إلا عبــــــــيرها

حتي إن شوفت كتير إتغـــمّــــوا !!



أحمد حسن عمر

جميل ياأستاذ أحمد
نص زجلي رائع وانت سبحت ببراعة علي وزن البحر المتدارك
تقبل مروري واعجابي بجمال النص