أنا البهلوان بهلوان.. ساعات ممثل و أحيانا فنان.
برامج "التوكشو" لعبتي و نشرة الانباء كمان.
أغني و العب على الاوتار و اعزف ع الكمان.
و ان غابت الرقاصه جاهز أهزّ و البس سوتيان.
أطبّل للمطرب و اهتف للقائد و امشي في زفّة الجدعان.
و ميّة الوضوء احضّرها للي يصلي و يصوم رمضان.
بيّاع في المترو ابيع نكاشات السنان..... و اللبان
يطول اللسان و يتخن النسوان و جرّي ريقك يا عطشان.
علماني..آمنت بالمصلحة و كفرت بالانجيل و القرآن.
ليبرالي.. الغيرة والشرف و العرض عندي في خبر كان.
و النزاهة و الامانة.. لما تسألني أقولك كان زمان.
الصدق و المبادئ كلام فاضي.. هلفطة و هرتلة صبيان.
ما دام هتدفع.. جاهز انبطح.. و..... أقلع عريان
أعبد القرش و اسجد له.. و ابوس جزمة كل جبان.
وقت الازمات اندد اهدد و اردد و لا البغبغان.
و ازيدك م الشعر بيت انا الاعلامي فلان ابن فلان.
بلغت الافاق شهرتي بقيت اشهر من "بديع الزمان".
و كلماتي اشعار و حكم.. سارت بها الركبان.
بقبض باليورو و الدولار و اضارب في بورصة "نيكان".
في البنوك اضخمت ثروتي و بقيت اغنى من "فلتمان".
بالشطارة و الفهلوة زورت التاريخ و مجدت العدوان.
أفتيت.. و نكاح الام أحليت.. و كمان وطء الغلمان.
زينت الباطل.. زيفت الوعي.. و شيطنت الاخوان.
في الوطنية:انا الشعب..انا الثورة..انا ضمير الانسان.
سألوني حضرت الثورة؟قلت لهم دانا شهيد الميدان.
قالوا غريبة ؟ دا الشكل و الملامح و السحنة سحنة شيطان.
مصمصوا الشفايف فاجأوني في اي صف كنت يا "مان"؟.
أنا اللي كنت شايل الالي و على كتفي نسر و نيشان.
أنا اللوا فلان.. حامي الحمى و حارس اللومان.
لما التعيس انخلع و النظام اتزعزع.. و الحق بان.
قلت أغير قبلتي و اعبد على المذهب الكسبان.
اترشح للبرلمان.. و الرياسة ان كان في الامكان.
نط مرسي عمل راسه براسي بعد ما كنت انا السجّان.
اتبجح.. اترشح.. و فــاز..... آه يا زمان ؟!
طلع علينا يقول:أهلي و عشيرتي.. صحيح زمن الاخوان.
بكيت بدل الدموع دم على زمن مبارك و ســوزان.
صعب عليا المخلوع و قلت"دي أخرة المشي ورا النسوان".