من يوميــــــــــــــات نتــــــيـــــت
اختفيتي وروحتي فين
ولا الجهاز هنج معاكي
انا هصبر على الشات دقيقتين
واعمل كلوز وخروج نهائي
واروح انام بقى لي يومين
ما دقت النوم وبترجاكي
بكره بعد الساعة 2
هكون علـ فيس وراح استناكي
علشان عايزك في كلمتين
ومش راح اطول كتير عليكي
هما بس يدوب ساعتين
وتروحي تشوفي اللي وراكي
**
حسيت وكأني بكلم نفسي
وانا فاتح علـ فيس دوت كوم
وجايب وجع القلب لقلبي
وهي نايمة وفي عز النوم
قمت قفلت الفيس من غلبي
وفتحت اليوتيوب على ام كلثوم
وقلت اكسر حاجز صمتي
وادندن معاها وبلاها هموم
زهقت دخلت علـ سكاي بي
لقيت رسايل جايا لي بالكوم
اجلت الرد وطفيت سيجارتي
وقفلت اللاب وخلص اليوم
............
السبت يناير 21, 2017 8:39 pm من طرف مجدى الهوارى
موضوع: من يوميات نتيت