أغنية ( اتعودت )

زائر

اتْعَوِّدت..... أَشُوفَك دَايماً..

جوه عِنَيّا ...

دوا لـ عِنَيّا ..

لَمْسِة شُوْق بِتْأَثَّر فِيَّا

اتْعَوِّدت أَلاقِى إِيدِيك .. بِالحِنِّيَة ..

تِمْسَح دَمْعَة.. مِعلِّمَة فِيَّا

****

اتْعَوِّدت.....

كَلامَك لِيَّا ...

نَسَايِم لِيْل ..

بِتْهِلّ عَلَيَّا

ضَفَايِر سَارْحَة..

تِطْرَح فَرْحَة .. مِنْ حَوَالَيَّا

****

اتْعَوِّدت أنا..... كُل حَنَانَك ..

شُوْق وِجْدَانَك..

لَهْفِة قَلْبَك..

دَايْبَة ف كُل مَشَاعْرِى وِفِيَّا

****

اتْعَوِّدت انا.....

كُلّ هُمُوْمِى تِبَات عَلَى كِتْفَك...

شَايْفَك كُنْت …

أَوْ مِشْ شَايفَك..

رُوْحِى تِجِيلَك ..

أَوْ تِنَادِيلَك..

تِيجِى بِكُلِ مَشَاعْرَك لِيَّا

****

اتْعَوِّدت انا..... مَهْمَا بِعِدْت …

أَوْ قَرَّبْت..

أَوْ فِى مشاعر قَلْبَك دُوبْت

لَوْ شَرَّقْت .. أَوْ غَرَّبْت..

شَمْس هَوَاك انا.. ضيّ عِنَيَّا

*****

منى الغريب

وكما تعودنا دائما براعة التصوير في لغة سهله بسيطة واعجبني الإستهلال في هذا النص ... دام لنا ابداعك الراقي

زائر

استاذنا الكبير / محمد البهنساوي

سعدت بتواجدك هنا بين كلماتي البسيطة التي زادها مروركم بهاءَ

وشكر ثان على كلماتكم الجميلة

تحيتي استاذنا وتقديري

منى

» أغنية اتعودت للشاعرة منى الغريب