مسرحية رياض رمز التضحية ( تاليف احمد نجم )
منظر داخلى فى منزل متواضع واثاث قديم وسيدة عجوزة تجلس تتفرج على التلفزيون
فى الخلفية صوت اغنية الله اكبر وبسم الله وجزء من خطاب السادات
يدخل احد الاطفال مسرعا
عبدالمنعم - تيته تيته هاتى الريموت عاوز اجيب المسلسل الهندى
العجوز = تضحك السيدة العجوز وتحتضن الطفل وتقول له تعالى يا عبدالمنعم احكيلك حدوته احسن من المسلسل
عبدالمنعم -لا يا تيته انا متابع المسلسل والحلقة دى مهمه جدا
العجوز= طيب انا هسالك سؤال انت عارف احنا سمناك عبدالمنعم لية
عبدالمنعم -لا اهو اسم زى اى اسم
وتدخل الام فى هذه اللحظة و تصرخ فى الطفل يا عبدالمنعم متغلبش تيته
العجوز – انتى فاكرة يا فاطمة احنا سمينا عبدالمنعم الاسم دة لية
فاطمة – طبعا ودى حاجة تتنسى
العجوز – طيب ماقولتيش لابنك ليه علشان يفتخر باسمه
عبدالمنعم – هى الاسماء فيها افتخار كمان
ويترك الريموت من ايديه وينظر باهتمام لامه وجدته
فاطمة – طبعا كل واحد بيسمى ابنه اسم لازم يكون ليه معنى
عبدالمنعم – وايه حكاية اسمى
فاطمة – تسمع عن الشهيد عبدالمنعم رياض
عبدالمنعم – طبعا وهو فى حد ما يعرفهوش دة ميدان مشهور فى مصر وكمان قريب من ميدان التحرير
الجدة والام معا فى صوت واحد
ههههههههههههههههههههههههههههههههههههه
وتدخل الى المشهد اخت عبدالمنعم التى تعيش فى امريكا
حبيبه – هاى افرى بادى
الجدة – طيب قولى السلام عليكم بالعربى علشان نفهم
حبيبه – يا تيته لازم نطور شوية العالم برة طلع القمر
عبدالمنعم – استنى يا حبيبه ان كنت حالا هعرف معنى اسمى ايه
حبيبة هو اسمك ليه معنى دا انتوا يا مصريين عليكم حاجات غريبة
عبدالمنعم – على اساس انك امريكانية
ترد الجد تعرفى يا حبيبه ايه معنى كلمة التاريخ
حبيبه – ايوه طبعا التاريخ زى نهر النيل ليه منبع ومجرى ومصب
فاطمة – وضحى شوية وبلاش الغاز
حبيبه – المنبع يعنى الماضى والمجرى يعنى الحاضر والمصب يعنى المستقبل
الجدة – يعنى اللى مالوش ماضى مالوش حاضر ولا مستقبل
حبيبه – دا احنا فى امريكا المبنى اللى بقاله خمسين سنة بنقف قدامه ونمجدة
الجدة – طيب واللى عندة حضارة سبع الالف سنة يبقى اية
عبدالمنعم – احنا روحنا بعيد عن موضوعنا
فاطمة – عندك حق فى صباح 9 مارس 1969 توجه الفريق عبد المنعم رياض رئيس الأركان فى ذلك الوقت الى الجبهة ليشاهد بنفسه نتائج القتال وليعطى توجيهاته وحتى يكون وسط الجنود وقرر أن يزور أكثر المواقع تقدما التى لم تكن تبعد عن مرمى النيران الإسرائيلية سوى 250 مترا ، ووقع اختياره على الموقع رقم 6 وكان أول موقع يفتح نيرانه بتركيز شديد على دشم العدو
حبيبه وبعدين حصل ايه
الجده - شهد هذا الموقع الدقائق الأخيرة فى حياة الفريق، حيث انهالت نيران العدو فجأة على المنطقة التى كان يقف فيها وسط جنوده واستمرت المعركة التى كان يقودها الفريق بنفسه حوالى ساعة ونصف الساعة إلى أن انفجرت إحدى طلقات المدفعية بالقرب من الحفرة التى كان يقود المعركة منها ونتيجة للشظايا القاتلة وتفريغ الهواء, استشهد القائد وسط جنوده متأثرا بجراحه
عبدالمنعم – انا كدة عرفت معنى اسمى وحقى انى افتخر بيه انا اسمى على اسم الفريق عبدالمنعم رياض
وتدخل عمة عبدالمنعم هناء وفى يدها اله السمسمية وهى تردد يارياض يا رمز التضحية يا شهيد الامة العربية
وفى الخلفية يسمع صوت الاغنية كاملة
هناء محدثة الجميع
تعرفوا يا جماعة انا بحب السمسمة جدا
حبيبة ليه يا عمتو
هناء –لان كان ليها دور كبير فى رفع الروح المعنوية للجنود على الحبهه فى حرب الاستنزاف والاعداد لحرب اكتوبر المجيدة
عبدالمنعم ازاى
هناء – كان عندنا فرقة اسمها الصامدين كانت بتعزف للجنود على الجبهه لرفع روحهم المعنوية بعد النكسة
الحدة وتنظر الى عبدالمنعم روح بقى الحق المسلسل الهندى
عبدالمنعم – لا يا تيته تاريخا اكبر واجسن من اى مسلسل هندى بس اللى يعرفوا ويقرا عنه
حبيبة – وانا كمان لما هرجع امريكا هحكى لزملائى فى المدرسة عن تاريخنا وبطولات ابطال اكتوبر وتسدل الستار