اما انتى غريبه يا دنيا للزجال حمدى الحداد احد روراد فن الزجل

اما انتى غريبه يا دنيا

اما انتى غريبه يا دنيا

يا ريت لك خال يترد عليه

لا انا بختى المعدول مايل

وان كان مايل مالك بيه

تكونيش فاكرانى الخيمه

وانتى الريح من غير اوتاد

اوفم واقف على بابك

ودموع عين وبطون اولاد

دا الموت ولا ان دا يجرا

يا عيب الشوم دستور يا اسياد

والموت ولا انى اطاطى

واقولك مدرك وابصر ايه

اما انتى غريبه يا دنيا

يا ريت لك خال يترد عليه

المصدر : من ديوان الزجال حمدى الحداد (من فوق جدار الزمن)

ندعوا الله للزجال الكبير
حمدى الحداد
بدوام الصحه والعافيه
فهو من رواد فن الزجل