يا بن العروبة
ليه يا بن أمّي سكـّتــك غير سكـّــتي؟..!
ليه يا بن ابويا دمعتــك مش دمعـــتي؟..!
ده انا لوني لونك بصّ له
والدمّ واحـد حلّلـــه
وهدفنا ممكن نوصلــه
لو يوم توّحد خطوتـــك مع خطـــوتي
* * * * * *
جوايا ميت مليون سـؤال مالهاش إجابــة
ليه بتعاديني زي مانكـون وسط غابــة؟..!
أنا وانت ممكن نلتـقــي
من نبع واحد نســتـقي
وبكف واحدة نتـّـقــي
شر الحدادي والعـقارب والديــابـــة
* * * * * *
باصرخ ياخويا والصراخ مليان كـــلام
لو يوم تبيعـني للغـريب أنا ح سوى كام؟
وان مر بيك قطر الزمـن
وقبضــت بإديك التـمن
تقدر تعيش جوه الوطـن؟
والدم سايل من أخـــوك بيقول حرام؟....!
* * * * * *
يابن العـروبة باندهـــك باسم الضمـــير
ماتسيبش اخوك وسط الغلان بيموت أســـير
افرد دراعك واحضــنـه
طبطب على إديه وطمّـنه
وف نن عينك سكـّـــنه
ده مصيركو مهما يبتعــد نفس المصـــير ؛؛؛؛؛
عربي شريف