محمد البهنساوي رئيس رابطة الزجالين والمدير العام للمنتدى
عدد المساهمات : 521 تاريخ التسجيل : 10/07/2010
| موضوع: الجنيه من أزجال المرحوم سيد البكيري الثلاثاء أغسطس 03, 2010 10:16 am | |
| [size=24]مال الجنيه انكبس حاله ماعدش يسر *** أيه يعني موجود دا وجوده كمان بيضر ما اعرفش ليه انسخط وكرامته ليه ضاعت *** مع انه كان محترم ولو حدشافه يقر ***** كانوا زمان يحسدوني لما أفك جنيه *** كنت اسمع الناس يقولوا ياه يا ابن الأيــــه لازم من الأغنيا دا معاه جنيه صاحي *** شفته بعيني ما هو باينه السعاده عليه ***** أنا كنت أسمع كده أمشي واتقمـــــــع *** والإش لو كنت كاو البدله وملمــــــع أفرد في ريشي وأنفخ نفسي عالأخر *** لأن الجنيه يغري وبطمــــــــع‘ ***** دلوقت مالهوش مقام بقى مركزه واطي *** من بعد ما كان تشوفه الخلق بتطاطي لو طلبوا مصروف عشان البيت لعيالي *** أنهـــو طرقه بقى أقنع بها مراتـــــي ***** أقولها أيه وف جيبي جنيــــــه ممصوص *** وحتى راح منظره خس وصبح مقصوص بيسد نفس اللي شـــايله ويبقى بيه مكسوف *** أيه يعني شايل معاه حتة جنيه مفعوص
( جزء من قصيدة طويله من ديوان مداعبات زجليه للزجال سيد البكيري الكتاب رقم5 من صندوق الطبع والنشر لرابطة الزجالين(
[/size] | |
|
الزجال محمد سرور المشرف العام
عدد المساهمات : 437 تاريخ التسجيل : 10/07/2010 العمر : 51
| موضوع: رد: الجنيه من أزجال المرحوم سيد البكيري الثلاثاء أغسطس 03, 2010 11:57 am | |
| رحمه على الزجال سيد بكير الذى كان يتسم بخفه الظل فى كلماته مع تمكنه الرائع فى تناول المواضيع الاجتماعيه وكانت جميع الندوات التى يحضرها يسعدالحاضرين من الشعراء والمستمعين ببراعته وخفه دمه | |
|