كرهت العشق يا ليلي شعر محمد البهنساوي

كرهت العشق يا ليلى

ولو كان الفراق أصّعب أنا راضـــي
أعيش الصّعب واتحرر من الماضــي

**
كرهــت العشــــــق يا ليلى وقــولة آه
ومُـــــرِّ الصـبر يا ليلى وعقلــي تــاه

**
لاموني الأهل والجيـرة وبعض الناس
وعايروني بإخلاصي وشــيب الــراس
**
وقالوا عجوز عشق ليلى على أوهــام
وشـايل كلمته سيفه وبيحارب مع الأيام
**
يا ريتهم ليلى عاتبوكـي على اللـي راح
وع الحب اللي كـان بينـا وعمري براح
**
قـولي لهـم ليلي ... حبيتك سنين وسنين
وضـاع العمر ويــَّاكي وقلـــبي حــزين
**
ولمـَّا القــــــلـب يا ليلى شجــاه النـــاي
وسامع صــــوته جــــــوايا بيصـرخ آي
**
طلبت الفُرْقَــه يا ليلي .. كفـــايه جــراح
ولو كان الفــراق أصعب معاه ح أرتـــاح