إيه مطلبى

عارفاه أنا لكن بتوه

متغربة وكتير أوى متغربين

تايهين ورافضين الأعتراف

يمكن أنا رافضة وبفوق

عارفة الطريق

فى كيانى لو رافض يسلم للحبال

فى المشنقة المحبوكة

لكتير من البشر

اللى هناك

سرحت عيونها المغرمة

بزينات على بابها الحزين

عامل فرح

ملفوف بأيه

نطرح سؤال

يمكن يفوق المغرمين

ملفوف بسلسلتين حديد لكنهم

باينين دهب

وساعات جواهر م البالى واللى بالك مشتقاين

ومفيش خوانة مصدقين

ومسلمين جوه السيوف

مسرور زكى

تلم سنان كل السيوف

ناعم قوى

والسم بيه كتير ينكوى

أصل الأيدين

مزروعة دم الفاسدين

شربت كتير

والزرعة فيها رعرعت

وأتفرعت

ومين عليها يلمها

ويلم جوانا الأمل

عطشان قوى

لمصارحة النفس الحزينة يرتوى

ويشوف حقيقة م الحياه

رافضة تكون جواها لو

نقطة عفن

شبعت خلاص

عايزة الخلاص

جوه إبتسامة قلبها

طمعانه فى اليوم الجديد

تعمل طريقها المختلف

عن كل من سابق لها

وتقولى ليه

عايزين يكونوا زى ضل

مافيهوش ولا بذرة نجاه

عايشين على هامش حياه

جوه لسان مقطوع مايعرفشى الكلام

شايفاه أنا وكارهة اللى كان

وأقوله أمتى تنطقك حتى الأشارة ف السلام

أمتى هيتفك اللجام

وتغير جواك المكان

ماتقولشى كان وكان وكان

أنت اللى جى ف الطريق

أصرح قوى

جوه الجدار

فين بصمتك

جوه الوشوش

مستنياك

وقت اللقى

نص الرسالة يكتمل

أخرة ف أيديك

قوم حررة

من أسرة لو مسكون

وساكن فى

الظروف المظلمة

فكر ك يقول فى المظلمة

ويبوح بسره

اللى طواه

يشرح رموز المسئلة

مفيش هنا

غير إننا نسمع بشوق

نفهم قوى

كل الكلام

من بين حروفه المبهمه

يمكن ف يوم أو حتى شهر

من السنة

يبعد قوى كل الغموض

ويبان فى حل المسألة

الله عليكى يا استاذه
رشا
تقبلى مرورى

الزجال الرائع والأخ الفاضل محمد سرور

تعليقك نور القصيدة لما يحمله من جمال فى المعنى

لك منى كل الشكر

أستاذى الشاعر الكبير محمد البهنساوى

ماهذا التعليق الرائع الذى أبهرنى لما به من مصداقيه فى الإحساس بالقصيدة

والله يا أستاذ محمد لا تتخيل أد إيه تعليقك أسعدنى لما به من قمة الرقى

جزاك الله كل خير

أمتى هيتفك اللجام

سؤال من كم الأسئلة التى تحاصر البش عامة والشعراء خاصة إمتى هايتفك اللجام؟؟
والشاعرة العظيمة تساءلت وجاءت بفعل (يتفك) كأن اللجام هايتفك وحده وهو سؤال تعجيزى امتى هايتفك؟؟؟؟؟
وتغير جواك المكان


ماتقولشى كان وكان وكان


نعم لا تقل كنا وكان
خلاص مابقاش فيه وقت ولا مكان

أنت اللى جى ف الطريق

أصرخ قوى

جوه الجدار

فين بصمتك

جوه الوشوش ؟؟
==
فين بصمتك جوه الوشوش
الوشوش كثيرة والوش ال>ى نرجوه ونتمناه ليس موجودا بينها


مستنياك

وقت اللقى

وكأننا علمنا بموعد ووقت اللقى؟ ياله من تحايل وحلم نحلم به ونتمناه حقيقة

شاعرتنا الكبيرة وأستا>تنا رشا

حياك الله
وادام عليك نعمة الإبداع
تقبلى مرورى

لحام لحام
امرنا بيه
رب الانام
مبثاق غليظ
بيكوية الزمن
وييصهرة
واللى انصهر يقدر يقول
ياريت ياريت العمر طال
بين العيال وام العيال
وان شالله تشنقنى الحبال