ليه ليه ضيعتو قيمة الجنيه؟
من سنة عدّت كان سلطان
ليه اليوم مليان بهوان ؟
موش عارف جرى له إيه
ليه ليه ضيعتو قيمة الجنيه ؟
-
ليه صار فى ايامكو السوده؟
مش جايب بصله ولا بيضه
ولا يسند أصحابه فى عيطه
ولا ينفع يتحنوا بيه
ليه ليه ضيعتو قيمة الجنيه ؟
-
المصرى ما بقاش مبسوط
ولسانه فى بقه مربوط
خايف يصرخ ويقول آه
يعرفشى يجرى له إيه
ليه ليه ضيعتو قيمة الجنيه ؟
-
ما بقاش بيهشّ صداع
ولا يرفع مستوى أوضاع
مين يحزن عليه لو ضاع
أو حتى يدوّر عليه
ليه ليه ضيعتوا قيمة الجنيه ؟
-
النونو ما بيرضاش بيه
ويقول لك رح يشترى إيه
والشحات ينظره بعينيه
ويقول لك هات عشره عليه
ليه ليه ضيعتوا قيمة الجنيه ؟
-
آه منكم يالصوص العصر
بتهدّوا ليه فى عظمة مصر ؟
رح نشكيكو فى يوم الحشر
شوفوا هاتقولوا لربكو إيه ؟
ليه ليه ضيعتوا قيمة الجنيه ؟
ليه ليه ضيعتو قيمة الجنيه ؟
ليه ليه ضيعتو قيمة الجنيه ؟