شطبتك من ديوان شعري
شطبتك من ديوان شعـري ومن فكـــري ووجــداني
ما انا اللي الشعر علمني أصول العشـق وادَّانــــــي
تفاعيل الهوى تحكي ونبض الشعــر أوصــــــــاني
أبوح للحــرف يكتبني واداري الشــوق باجفـــــاني
ما انا المغلوب على أمـري وساكــن جـوه أشجاني
بسابـــــق بالسنين عمـــــري وشط عنيكي عنواني
أخــاف اللهفة تغلبني أعيش مجروح وانا الجـــاني
أنـــادي القلـــب يألمني واعيـش الحيرة من تـــاني
وأرســـم في الخيال صوره لست الحسـن وخــداني
لنهـــرالحـــب تسقيني حــــلاوة شهدهــا الحـــــــاني
لقيتك في الغرام مركــب في بحــر الحيـــرة سيبـاني
وموج البحـــر متعـافي بيتسابـــق في أحـــــزانـــي
أقــول الكلمة تفعيلـــــه وحرف القافيـــــه بســتاني
يصحي المعنى ويكبَّر كــــلام العشق في لســـــاني
أشوفك ع السطور آيه واعيشك فرحــة ربانــــــــي
تبيعي وتشـتري فيَّ...شطبتك كلمه في ديـــــــواني