مكتوب

مكتوب عليّا اعشقك
والعشق مش غيّه
دورت مين يسرقك
مالقيتش حراميّه
خايف أحب واخاف
ألاقيها مش ليّا
سألت شيخ البلد
حلال دا وللا حرام
قاللى فى حكم الهوى
وشرع الملاغيّه
أحكم على نفسك
بالقلب والنيّه




سألت قلبى
هويت ؟؟
وقاللى بهواها ..
حكّمت عينى لقيت
النظره عاشقاها
وياقلبى إيه نيتك
قال انت إيه مسكّتك
إجرى عليها أوام
دا انا عمرى ما انساها



قلتلها يا ام القمر
ياقلبى ياننى
بركان غرامى انفجر
والحب زلزلنى
على قلبى حبك أمر
وبشوقه سلسلنى
هربت بس القدر
لهواكى رجّعنى
حاولت اطير للقمر
شوقى اللى نزّلنى


موافقه إنى اعشقك
وللا الغرام خاننى