قاعد ع بوز الهرم

قاعد ع بوز الهرم



ورجلي متدلدله

ناسي وجع قعدتي

وعيني متأمله

شايف جناين هسس

مزروعه قلة ادب

واللي بتضحك جثث,

عايشه وحالها اتقلب

واما ببص لورا

بلاقي خوفو اتهبل

منطقته زي الـ...

ومن الزباله كتل

مكنتش دي خطته

احباطه جه فخلفته

والفقر فاض فيضان

غرق بيوت الجان

والشعب اهو نام جعان ,

وقروده متسلسله

رجالته واكله تمام

وشبابه متبهدله

محتاج لنوبه كرم

وقفه لرفع الهمم

وخوفو هو السبب ,

والجبن من غير سبب

وجاله زمن العلل

وحصيره بعد الفلل

وواحد زييي انا


قعد ع بوز الهرم










------
هيثم حشاش

ما تخليك جد شويه يا عم هيثم