انا رافض ......

انا رافض

انا رافض اكون جزار
انا رافض اكون مسرور
رافض اعلق خيبة الايام
فـ سن ساطور
رافض اشوط فـ أحبابي
ومانع نفسي من إني
اكون مغرور
وفاتح للعذاب بابي
ولو سعدي فـ موت اهلي
هنايا يغور

انا رافض

انا رافض اكون وحدي
انا رافض اكون واكون
رافض اكون عود قصب
فـ غيط كمون
رافض اصرخ في الفضا مشلول
داخل فـ جسمي سوس بينخرني
ويأمرني اطيع علي طول

وسوس قاعد بيتفرج
وسوس شبعان وبيهرج
وسوس مسروع
وسوس مدسوس
وسوس من جوعه ياكل سوس

وسكر عودي يتصفي
وعود ع الترعه يتشفي
ويتمسخر ويتبغدد
واجي اميل عشان اسند
الاقي مفيش
زيي مفيش
هربت العيدان مني
وكبير السوس
عامل سنه من سني
ويغرس نابه في العقله
ويئلمني
وكل ماببكي يئلمني
ويتكّا
وبيهدد ليقتلني...

وانا مدفون

انا لو انام علي جنبي
يموت العود
يموت السوس
وكل السوس
وتفضل بس في الاخر



عيدان كمون






انا رافض







*********
هيثم حشاش

وانا رافض اكون مغرور
هنايا يغور وسعدى يغور
لو اتقال اننا مغرور
حبيبى يا منى عينى
انا منصور
*******
احب زجلك يا استاذ هيثم