إمنعيني ......

إمنعيني

--
اني اجيب م الماضي ذكري
تفكرك
لو ناسيه او لو كنتي فاكره
تفوقك
وانا لسه بجري في اتجاهك
وقفيني
لو راهنت عليكي مره
او خرج احساسي برا
لو سمحت لنفسي اكسب
تكسبيني
وانتي فوق كل الشكوك والاحتمال
من يوميها قلبي مال
والسؤال
انتي ليه كل اما بغرق
بتسيبيني

مش بسامح
لما حد يخون حبيب
والملامح
لما بتداري اللهيب
واللي تاعب قلبي منك

قلبي منك
واني عارف
ان عمر فـ يوم حبيبتي
ماتخونيني

فهميني

قولي مالك
مين رمي لك
شك فيا وحيرك
دلوقتي بستخدم سؤالك
مش هجيبلك
حد تاني يسألك





هو ينفع ابقي قدامك
واغيب
ينفع استطعم حلاوتك
من غريب؟
والغريب
ان انتي عارفه كل دا
وقلبي صوت
دقاته اعلي من الندا
ده انتي لو غاب ابتسامك
ابتسامة كل شيء في الكون
تغيب

نوّريني

دي الدموع من نن عينك
جت لعيني
لو قدرتي تمنعي
نفسك ياريتك

تمنعيها


وتمنعيني


إمنعيني



*****
هيثم حشاش

تعبيرات وصور رقيقة وجميلة واعتقد انها مش هتحاول تمنعك مع كل الكلام دا

أشكرك أستاذ محمود علي جميل تذوقك وسمو إحساسك , دمت جميلاً