يا ستات عاتب والله عليكوا ولى معاكم حق

يا ستات عاتب والله عليكوا ولى معاكم حق

يا ستات عاتب والله عليكوا ولى معاكم حق
فى البيت قرده وسط الشارع ورده بتغرى الخلق

يرجع جوزك تلوى فى بوزك وتقبليه مقموصه
ريحة التوم فى صوابعك لسه وشعورك منكوشه
خليتى جوزك لما يشوفك حط صوابعه فى شق

وانا بتكلم على نوعيه من الستات عارفنها
والنوعيه التانيه يا خويا ليها عقل زينها
تعرف قيمه جوزها وتعرف شرع الله والحق

كيلوا مكياج والبوده الحمرا لما تكونى فى خروجه
اما فى بيتك قمطه اشربك وحواجبك مقلوبه
خليتى جوزك عينه تزوغ على نانسى وهيفاء

صوتك دايما فى البيت عالى وكأنك فى خناقه
واما بيسمع همس جنابك تتلفظى بأسأه
عيب تقول له حبيبى يا بيبى يا الله ان شالله يطق

هو حرام تهتمى بنفسك وتدلعى كده جوزك
ولا خلاص سى السيد انتى وعايشه معاه بنفوذك
فين الرقه يا ستات لأ لأ والفين لأ

دا احنا بقينا فى عصر النت وعصر الشات والموضه
وانتى مخليه عيشه اهله يوميا كده سوده
نفسه فى يوم يصحى من النوم يلقى معامله ارق

يا ستات عاتب والله عليكوا ولى معاكم حق
فى البيت قرده وسط الشارع ورده بتغرى الخلق

الزجال
محمد سرور

////////////////////////
iبحب فن الزجل والله يا عمى
زى حبى لولادى وابويا ولامى
واعشق حروف كلمته
ماشى انا فى سكته
الزجالين والزجل بيجروا فى دمى

_________________
<br>

بصراحة يا متر احنا اللي ح نعتب عليك المرة دي من كتر غيظك من الستات نسيت تكتب الرد وبعت رسالة فاضية ما انا قولتلك اهدي شوية يا عم سرور

سلوى سيد عبدالعزيز كتب:: بصراحة يا متر احنا اللي ح نعتب عليك المرة دي من كتر غيظك من الستات نسيت تكتب الرد وبعت رسالة فاضية ما انا قولتلك اهدي شوية يا عم سرور

الشاعره العزيزه سلوى
تحياتى
وكل عيد وانت بخير
ومعش هتعالج من الزهيمر
ههههههههه