نفســى فى اللحمة

نفسى فى اللحمة ياناس

وحشانى بقــالها زمـان

فى بطاطـس أو قلقـاس

مش واخـد ع الحرمـان

دالعـدس ياهووه غلّـوه

ودا كــان أكـل الغلبــان

لــو جيـت أحلـم وأقـول

فـــرخـة أو لحمـة راس

تصــرخ حــرمى وتقول

شـوف حل ياإبن الناس

زوّد مصــروف البـيــت

أنا أصلى طهقت خلاص

م العيشه يانــاس مليت

ويوماتى زعيــق ونقــار

خناقات على سعر الزيت

وحياتنا مـــرار ف مـرار

مـش نــــافع أى حــــوار

ودا كــله مــن الأسـعـــار

فى زياده بشكـل مهـوول

ومرتــب عــــنده جفــاف

ولا نــافـــع فــيه محلـول

لازمـه نجـْـده وإسعـــاف

دان جاب طعمية وفـــول

بكـــــره راح ناكل حــاف

الوضع صــــراحه مخيف

يالطيف الطــُـــف يالطيف

منــــــّك للّـه يانــظيــــــف

راح نـــدعى عليك ونـقول

ملاينكــو يجليــها نزيـــف

وتجوعـوا ماتلاقوا الفـول

وانــــــت ووزراءك دول

تشحـتوا ماتلاقوا رغيــف

امين يارب ا لعالمين من بقك لباب السما