أوضاع غريبه ومقلوبه

أوضاع غريبه ومقلوبه

ليه الشباب تايه ضايع
مش لاقى طريق
ولا حد عارف فين رايح
والكل غريق
فى الضحك والتهريج فالحين
والجهل صديق
لكل شاب رجليه بتدب
فى طريق ملعون

لسه بياخد مصروفه
من حجر البيت
لكنه عامل فيها روميو
ومعاه جوليت
يابويا انا عايز اخطب
اصل انا حبيت
والحب نار لوعه ومرار
بس دا مجنون

وتلاته خمسه هناك واقفين
وسط الشارع
نازلين معاكسه بدون احساس
خالفوا(الشارع)
وكل واحد فيهم طور
برسيم بالع
وكلام ساقيل مسموم ورزيل
من شله دون

والأفندى ماشى بعربيته
وسط الزحمه
كأنه راكب طياره
ومفيش رحمه
وفى لحظه ما يشوف قدامه
ويضرب لخمه
ويموت صغير اوكهل كبير
ويعيش فرعون

وحماده ماشى مع شله
اكبر منه
يشربواه بيره وخمره
ولا بيهمه
وبكره ياخد تعميره وبعده يشمه
ويضع فى ادمان ماله امان
ويبكى عيون

واللابن بقى حتى يقاوح
أمه وأبوه
ولا كلمه عادت مسموعه
ويذم فى اخوه
ولسان طويل من غير داعى
ع اللى ربوه
راح فين زمان الابن دا كان
للاهل حنون

اما بنات الايام دى
ماشيه بكيفها
لا أب نافع فى ربايه
او يقصفها
اوضاع غريه ومقلوبه لو أوصفها
تموت الأحساس بمداس
وحيتانا تهون

والبنت صبحت فى شارعنا
أكبر مشكل
لوتمشى فى الشارع واحده
مليون تشغل
والبس واخد أوضاعه
بحاجات تخجل
وأن قولت لأ فين الاخلاق
صوتك مدفون

اللى تلاقيها مشيالك
لابسه مجسم
تظهر مفاتن وبلاوى
وبتتبسم
عايزه لها طبله وزماره
لجل تقسم
ومهرجان ووراها صبيان
بكلام ما يكون

والتانيه سايقه بدلاها
بجيبه عجيبه
مفتوحه يجى تسعين حته
للحبيبه
اوبنطلون ممسوك مسكه
والله غريبه
على كام فستان من غيرأكمام
ليه ألف زبون

والتالته لسه فى أعدادى
وفكرها مشغول
ولا فيش لا رابط يحكمها
ولا أخ جسور
ولما توصل للجامعه
تلاقيها بتدور
وبالساعات فى الكافتريات
عملين ميت بون

والخطوه صبحت فى شارعنا
عرض وازياء
وولادنا اوحتى بناتنا
نسيوا الأخلاق
والموضه بتدور دورتها
وكأنها داء
وتصيب عقول عقلها مشغول
بين نو وبردون

ولسه فيه مليون موضه
جيلنا بغش
وبطلها أعلامنا المصرى
ومعاه الدش
ما تفوقوا من دى الغيبوبه
وخدوا لكم دش
لا أما بيع وولادنا تضيع
فى رحاب الكون

يا مصر ليه بس ولادك
دايما نايمن
عايزين لوقفه تصحيهم
لحسن مساكين
لازم نحسن اخلاقنا
ونرجع للدين
دى العمر فان أدعوا الرحمن
يرحم ويصون

الزجال
محمد سرور

////////////////////////
بحب فن الزجل والله يا عمى
زى حبى لولادى وابويا ولامى
واعشق حروف كلمته
ماشى انا فى سكته
الزجالين والزجل بيجرلاوا فى دمى

[/b]

_________________

جميل جدا يا اخ سرور

سلوى سيد عبدالعزيز كتب:: جميل جدا يا اخ سرور

الشاعره العزيزه استاذه سلوى
شكرا لمرورك العطر
تحياتى

عدد المساهمات : 70 تاريخ التسجيل : 20/10/2010

رائعة من روائعك المؤثرة ذات النبض الشعبي
سلمت
وسلم قلمك

عربي شريف كتب:: رائعة من روائعك المؤثرة ذات النبض الشعبي
سلمت
وسلم قلمك

شكرا استاذ لمروك
هذا بعض ما عندكم
تحياتى

كل مره أبداع أجمل مما سبقه :دمت مبدعا

fares elqwrshy كتب:: كل مره أبداع أجمل مما سبقه :دمت مبدعا

الشاعر الخلوق
استاذ فارس القرشى
لكى شكرا على مرورك
وهذا بعض ما عندكم

fares elqwrshy كتب:: كل مره أبداع أجمل مما سبقه :دمت مبدعا

الشاعر الخلوق
استاذ فارس القرشى
لكى شكرا على مرورك
وهذا بعض ما عندكم

عدد المساهمات : 59 تاريخ التسجيل : 27/12/2010

يا مصر ليه بس ولادك
دايما نايمين
الامريكان جوا بلادنا
رايحين جايين
وقسمونا ميت حته
واحنا موافقين
لازم تفوقوا
وتندارو فورا للدين