عليه العوض......!

عدد المساهمات : 70 تاريخ التسجيل : 20/10/2010

عليه العَوَض........!

وِشْ الخلايق صِفِي

والبسمة فيه فدان

أما الفساد مختفي

جوّه القلوب ألوان

والغش عبَّى ورسم

الزيف على الجدران

طب ليه ياقلب البشر

بالغش ليه مليان؟!

والكدب بقى غيّتك

والزور بقى إدمان

ليه ف طلعتك تترسم

بالغش والبهتان

تجبن وتعمل بطل

وتلاقي ليك أعوان

عزفوا معاك غنوتك

والغنوة بس لسان

بحروف ندالة ارتوت

ومزوَّقة بألحان

آه م الخسيس الدِني

اللي ما له عنوان

لو جاله يوم والتقى

ويّا الأصيل له مكان

تلقى الخناجر تتر

بتسمّم الأبدان

هتعيش صريح تنكره

وتلوشك الغربان

نافق تنول الرضا

وتعيش كما السلطان

توب الندالة انفرد

منقوش على الخوان

أما الأصيل للأسف

عاش ف الحياة عريان

والله عليه العوض

ف الطيبة والإنسان

عربي شريف

فعلا استاذ عربى
كل اللى كتبته موجود بينا
والنفس اماره بالسوء
تقبل مرورى

ربك معوض مخلف قول يا رب

عدد المساهمات : 70 تاريخ التسجيل : 20/10/2010

محمد سرور كتب:: فعلا استاذ عربى
كل اللى كتبته موجود بينا
والنفس اماره بالسوء
تقبل مرورى

الشاعر الجميل
شاكر لمرورك العطر أستاذ محمد سرور

عدد المساهمات : 70 تاريخ التسجيل : 20/10/2010

سلوى سيد عبدالعزيز كتب:: ربك معوض مخلف قول يا رب

أشكر مرورك العطر أستاذة سلوى
نورت الصفحة

عدد المساهمات : 59 تاريخ التسجيل : 27/12/2010

عليه العوض

محمد منصور كتب:: عليه العوض

عليه العوض بجد
شاكر مرورك الزاكي أستاذ محمد منصور

الله الله الله عليك

يا استاذ عربى

اجمل كلام سمعته عن المنافقين

الكدابين الغشاشين اللى خربوا حياتنا

ربنا يخدهم ويريحنا منهم

مع اللى خدهم فى ثورة التصحيح

والتصليح

دام شعورك النبيل يا غالى

تحياتى

ولا يوم بنخاف ولا حتـــى نكش

بنقولها كده على طول فى الوش

وكلامنا كلام رجالـــــــــــه تمام

لا بنعرف نكدب ولا بنغـــــــــش