| تخاريف رجل بعد الزواج (انا عازب ) زجل محمد سرور | |
|
|
كاتب الموضوع | رسالة |
---|
الزجال محمد سرور المشرف العام
عدد المساهمات : 437 تاريخ التسجيل : 10/07/2010 العمر : 51
| موضوع: تخاريف رجل بعد الزواج (انا عازب ) زجل محمد سرور الإثنين نوفمبر 08, 2010 7:51 pm | |
| (انا عازب )
انا عازب ملها العزوبيه راحه بال وعيشه هنيه ولا فتحه ولا حتى خطوبه فى الاخر هتخدلك طوبه واما الطوبه تيجى فى المعطوبه هتخلف قرطه وزريه
انا عازب عايش فى سعاده اشربها مظبوط اوساده ولا وحده هتعكر دمى واشيل همها وتشيل همى واشكى لابوها واحكى لامى والحال دا هيفضل كده عاده
انا عازب والحال ميسور ولا اخاف سكين ولا سطور ولا احلف واقسم بحياتها وانسى حياتى عشان ابسطها والبى كل طلباتها والاحلام تخطفها نسور
انا عازب كده خالى البال ولا دوشه حرمه ولا عيال ولا هات يا حبيبى المصروف عايزلها فى العيد دا خروف ولا تعرف رحمه ولا ظروف عايزك فى الساقيه شغال
انا عازب مرتاح فى حياتى ولا اسلم دقنى لحماتى ولا اخاف لو يوم جاتنا زياره اكل لحمه القيها بصاره واعيش فى مدينه زرزاره واتنكد وامسك فى مراتى
انا عازب عايش كده حر والايام حلوه وبتمر ادخل ولا اخرج على كيفى البس شتوى او البس صيفى عارف مقدرتى وظروفى ولا ابات يوم اشعربالمر
الزجال محمد سرور | |
|
| |
عربي شريف
عدد المساهمات : 70 تاريخ التسجيل : 20/10/2010
| موضوع: رد: تخاريف رجل بعد الزواج (انا عازب ) زجل محمد سرور الإثنين نوفمبر 08, 2010 8:28 pm | |
| بس الواحد برضه مسيره لهذا السجن الجميل أخي الحبيب دمت مبدعا
| |
|
| |
سلوى سيد عبدالعزيز مشرفة الصوتيات والمرئيات
عدد المساهمات : 192 تاريخ التسجيل : 21/07/2010
| موضوع: يا بن سرور الإثنين نوفمبر 08, 2010 8:40 pm | |
| يا بن سرور يا ين سرور يالي انت محامي لية هزيت صورتك قدامي قالوا عليك للمظلوم حامي رد مظالم دافع حامي اهدي شوية بلاش معادية دي الستات كلها حنية هي النسمة هي المية يابن سرور م بلاها غرور دي العيشة من غيرها تغور ايام سودة ودم يفور وصي عليها رسولنا كتير وقالك رفقا بالقوارير وانت محامي بعقل كبير اعقل واهدي يا بن سرور سلم رايتك بلاها مكابرة بلاها غرو ر
***************************** | |
|
| |
الزجال محمد سرور المشرف العام
عدد المساهمات : 437 تاريخ التسجيل : 10/07/2010 العمر : 51
| موضوع: رد: تخاريف رجل بعد الزواج (انا عازب ) زجل محمد سرور الثلاثاء نوفمبر 09, 2010 12:40 pm | |
| - سلوى سيد عبدالعزيز كتب:
- يا بن سرور
يا ين سرور يالي انت محامي لية هزيت صورتك قدامي قالوا عليك للمظلوم حامي رد مظالم دافع حامي اهدي شوية بلاش معادية دي الستات كلها حنية هي النسمة هي المية يابن سرور م بلاها غرور دي العيشة من غيرها تغور ايام سودة ودم يفور وصي عليها رسولنا كتير وقالك رفقا بالقوارير وانت محامي بعقل كبير اعقل واهدي يا بن سرور سلم رايتك بلاها مكابرة بلاها غرو ر
***************************** انا مش اسلم رايه يا سلوى وزى ما فيه ستات حلوه فى ستات مصيبه وبلوى تكره حتى العيشه معاه وهم دول انا بكتب ليهم بالاشعاربأخد باديهم يمكن يعرفوا حق الرجل وربك بكره راح يهديهم علشان كده انا هفضل ادافع علشان كلمه حق اترافع يهدى الستات على ازوجهم بحق نبى الله الشافع تحياتى استاذه سلوى | |
|
| |
سلوى سيد عبدالعزيز مشرفة الصوتيات والمرئيات
عدد المساهمات : 192 تاريخ التسجيل : 21/07/2010
| موضوع: رد: تخاريف رجل بعد الزواج (انا عازب ) زجل محمد سرور الثلاثاء نوفمبر 09, 2010 3:01 pm | |
| ماشي يا نصير الغلابة والمضروبين سوري قصدي المظلومين | |
|
| |
bent el nile
عدد المساهمات : 90 تاريخ التسجيل : 22/07/2010
| موضوع: رد: تخاريف رجل بعد الزواج (انا عازب ) زجل محمد سرور الثلاثاء نوفمبر 09, 2010 7:32 pm | |
| عيني علي العازب ياعيني عليه حاطت قلبه مكان رجليه يروح الشغل علي ايديه ويلبس البدله في الانتريه ينام شويه ويقوم شويه عشته راضيه ياعيني عليه
شكرا يا بنت النيل على مرورك وتواصلك معى
| |
|
| |
هناء سعيد
عدد المساهمات : 50 تاريخ التسجيل : 06/11/2010
| موضوع: رد: تخاريف رجل بعد الزواج (انا عازب ) زجل محمد سرور الأربعاء نوفمبر 10, 2010 6:24 am | |
|
الأستاذ الزجال الكبير / محمد سرور
وف رأيك حلوة العزوبية ؟
وتعيش ع الفول والطعمية!
أكلك كله نواشف طبعا
ولا لقمة بزبدة محنية
وتعيش تتمناها صبية
تفتح بيتك تبقا حياتك
حلوة هنية
ما تعيد تفكيرك يا سرور
دى حياة العزوبية ف ضلمة
أما الصحبة دى فيها النور
يابن الناس ما تفكر تانى
وبلاش كده عيشتك وحدانى
الا العمر يعدى عليك
وها ترجع وتقول أه يانى
أه يانى م الوحدة انا نادم
طب ليه ما شاورتش لحورية
واقضى حياتى ف العزوبية
ويلوموا عليا خلانى
لا ده انا لازم افكر تانى
عدل سابقا من قبل هناء سعيد في الأربعاء نوفمبر 10, 2010 6:56 pm عدل 1 مرات | |
|
| |
الزجال محمد سرور المشرف العام
عدد المساهمات : 437 تاريخ التسجيل : 10/07/2010 العمر : 51
| موضوع: رد: تخاريف رجل بعد الزواج (انا عازب ) زجل محمد سرور الأربعاء نوفمبر 10, 2010 11:56 am | |
| - عربي شريف كتب:
بس الواحد برضه مسيره لهذا السجن الجميل أخي الحبيب دمت مبدعا
ايوه يا استاذ عربى سجن وتأبيده لا بد منها واجمل ما فيها الاولاد شكرا لمرورك العطر تحياتى
| |
|
| |
الزجال محمد سرور المشرف العام
عدد المساهمات : 437 تاريخ التسجيل : 10/07/2010 العمر : 51
| موضوع: رد: تخاريف رجل بعد الزواج (انا عازب ) زجل محمد سرور الأربعاء نوفمبر 10, 2010 12:48 pm | |
| - هناء سعيد كتب:
الأستاذ الزجال الكبير / محمد سرور
وف رأيك حلوة العزوبية ؟
وتعيش ع الفول والطعمية!
أكلك كله نواشف طبعا
ولا لقمة بزبدة محنية
وتعيش كدة تتمنى صبية
تفتح بيتك تبقا حياتك
حلوة هنية
ما تعيد تفكيرك يا سرور
دى حياة العزوبية ف ضلمة
أما الصحبة دى فيها النور
يابن الناس ما تفكر تانى
وبلاش كده عيشتك وحدانى
الا العمر يعدى عليك
وها ترجع وتقول أه يانى
أه يانى م الوحدة انا نادم
ليه ماسعدش معايا بنية
واقضى حياتى ف العزوبية
ويلوموا عليا خلانى
لا ده انا لازم افكر تانى
ايه الجمال والروعه ده يا استاذه هناء بس على فكره انا متجوزوعندى يوسف وعلاء والزجل د ه كتبته لما كتبت كتابى لانى حسيت انى ادبست شكرا لمرورك وتواصلك معى
| |
|
| |
هناء سعيد
عدد المساهمات : 50 تاريخ التسجيل : 06/11/2010
| موضوع: رد: تخاريف رجل بعد الزواج (انا عازب ) زجل محمد سرور الأربعاء نوفمبر 10, 2010 6:52 pm | |
|
استاذى الفاضل
علمى انك متزوج ربنا يخلى المدام ويخلى يوسف
وعلاء وتشوفهم احسن الناس
بس ده كان رد ارتجالى من روعة ما خط قلمك
| |
|
| |
الزجال محمد سرور المشرف العام
عدد المساهمات : 437 تاريخ التسجيل : 10/07/2010 العمر : 51
| موضوع: رد: تخاريف رجل بعد الزواج (انا عازب ) زجل محمد سرور الخميس نوفمبر 11, 2010 12:49 am | |
| - هناء سعيد كتب:
استاذى الفاضل
علمى انك متزوج ربنا يخلى المدام ويخلى يوسف
وعلاء وتشوفهم احسن الناس
بس ده كان رد ارتجالى من روعة ما خط قلمك
ربنا يخليكى يا استاذه هناء وبصراحه كان ردك فوق الرائع تحياتى
| |
|
| |
| تخاريف رجل بعد الزواج (انا عازب ) زجل محمد سرور | |
|