اه يا ويلك

اه ياويلك ياللى يكون لك يوم حما زى حماتى
هتعيش متعوس وتبات مفروس وتطاطى وتعمل قرداتى

خلتنى اتوه وبقيت معتوه وحياتى ظلام
امسح فى جراح ولا عارف ارتاح ولا حتى انام
ولسانها طويل اطول م النيل كله كلام سام
ميعديش يوم الا اما تحوم ع الست مراتى

ارجع تعبان هلكان شقيان محتاج للراحه
افتح فى الباب القى ام غراب قاعده ومرتاحه
واقول يا حفيظ تنزل تلفيظ بكلام ووقاحه
ونقضى اليوم فى خناق وهموم وتشلفط ذاتى

وتقولى يا واد راجع مبسوط واديك فاضيه
مش كنت تجيب تفاح وزبيب انا مش راضيه
دا انا بنتى معاك اخرتها هلاك جاتيك قاضيه
ما تقوم يا بعيد اللى ما تجوز فيك دعواتى

تشبه للفيل وبدم تقيل عشت اقاسى
طول الاسبوع كاتمه فى البيت على انفاسى
وانا منها بقيت ارفع م الخيط مين هيواسى
بتمنى تموت وافرق شربات فى كساتى

والله الست بتاعتك ليها الجنه
أبداعك متدفق ورائع

والله لو فى حما كده

اقول لزوج بنتها

لو كنت عايش ربنا معاك

ولو كنت ميـت ربنا نجاك

هههه

تحياتى استاذ محمد

على خفة الدم والظل