ياللي زرعتي الشك في قلبي شعر محمد البهنساوي

يا للي زرعتي الشك في قلبي *** مـــن كام ليلة جفاني النــوم
جـــاني طيفــــك يطلب ودي *** عشت ف حيرة وبحر هموم
جــــــاي يتعاتب ويأكــــدلي *** إنــي ظلمته في ذاك اليـــوم
رد القلب وقال : ياجارحني *** انت الظـــالم مش مظلــــوم
خنت العــهد في أول لحظـه *** خنت العهد وجبـت اللـــــوم
حتى ميثاق الحب ما بينــــا *** سايبه ف بحر وناسي العـوم
***
يا للي زرعتي الشك في قلبي *** ضاع الحب وراح على فيــن
يمكن أصدَّق يوم تنــســـــاني *** بعد شهـــور أو بعد سنيـــــن
لكـــن بعد أيــــــــام تبعــيني *** تبقي حقيـــقي من الخـــاينـين
ظالمه وقاسية وطبعــك جافي *** ودا احساســي وقلبي حـــزين
بارفض رسمـك واكره اسمك *** اللي حـــروفه كمــان قاسـيين
مش ح اتسامح يوم واستنـــى *** يا للي جعلتــي الشك يقـــــين