فوق القناطر
صيادين قاعدين
والنيل بيحدف
من السمك
سردين
وكاتيبتى كانت
شابه
فوق تابه
وانا كونت ضابط
ليا دبورتين
والتابه
كانت
باصه ع الكانتين
كانت العقارب
رافعالى ذنابها
والحيه واقفه
مطـلعا نابها
مضيت ف اسنا
حوالى
ست سنين
فى الصحرا ياما
شقينا وتعبنا
ياما شيلنا دود
م الميه وشربنا
سوس فى الجرايه
و عدس ع الجبنه
والبطن لما نجوع
بيعجبنا
جايين ندافع
عن سما اسنا
نبح الكلاب
بالليل يونسنا
طياره طايره
ابص واراقبها
لو للعدو
اضرب واشقلبها
تدريب جنود
فى الحر أدبنا
جنب الزخيره
وف الجبل
فارشين
أنا وسميرصبحى
وسعيد ماشيين
مركب فوقيها
سواح معديه
وعليها
بنت بنوت
هولانديه
مافيهاش لاكرش
لاشحم ولا ليه
نفض سمير باديه
وقال ياحافيظ
هدف ميراج
ف النيل
وشكله يغيظ
ومراكبى عدا
وريح المجداف
مندوب بريد
سلم لى تليغراف
فيه كلمتين
متصححين بالجاف
بيبشروا بمولود
وكان ساره
بليل بعت
رساله و اشاره
روحت المطار
وركبت طياره
طياره روسى وعامله
زى الحوت
وعليها نصف
مجنزره وتابوت
واربع صولات
وشاويش وخايف موت
بحزام ف كرسى
الكل راح مربوط
صوت العجل زمجر
وسبب كركره
ارض المطار سايبانه
وبتجرى لورا
والنيل بيبعد
والمبانى صُغَيَره
بصيت يمينى لقيت
جناح ملحوم
والاكسوجين
فوق السما معدوم
لو بحر كنت
انزل وانط واعوم
طياره طايره
وللسقوط آيله
عليت وراحت
للشمال مايله
اصوات غريبه
وجَوْ بِيْضَلِم
وركبنا مع طيار
بيتعلم
الكل وشه اصفر
ومبلم
طياره طايره
وعامله زى الحوت
لو نزلوه
ع الارض
يوم هايموت
طياره جت
ومعادها
كان هايفوت
والنيل بيكبر
والمبانى مِنَوَّره
والارض باينه
مخضره
ومسَطَّره
صوت العجل
زمجر
وسبب كركره
طياره ميرى
عذاب
وآخر مسخره
فكيت حزامى
ورجلى
تلجه مسمره
وقال لنا الطيار
بشخط
ومنظره
قوموا انزلوا
بنظام
بلاش الجمهره
دى الارض تحت
مزحلقا وممطره
ونزلت دايخ
خت ميه مسكره