يااسمر ياصعيدى
خُد فاس من ايدى
واضحك ورينى الضحكاية
انشد حيينى
واربط لى جبينى
وانحت فى الصخر ده ويايا
في وادينا هنا
كلها كام سنه
وتزيد أراضينا بتوشكايه
دانت وحشتنا
وانا جيت لك هنا
ارويها بعرقى وشقايا
وبسمن رشيدى
وفطير من ايدى
جاى اعمل
وياك غدوايه
والمخله الميرى
دى باعتها بحيرى
افتحها دى مليانة هدايا
قوم قول هيلا هيلا
وبلفه جميله
قوم دور على راسى حوايه
شمرلى كمامى
وامسك قدامى
خد حبك وازرع قمحايه
لين لى عجينه
باسمنت وطينه
وانحت باديك
هنا مجرايه
وانتى ياجدتى
باركيلى خطوتي
واغسلى وانشرى
فى الشمساية
وأنتي يانسمتى
نشفى هدمتى
حوقلى بسملى
طرى هوايا
يااسمر ياصعيدى
مرجان ياهريدى
سفلت واعمل لنا مشاية
غيمى ياسمايا
واتمشى معايا
وافتحى أبوابك لدعايا
وانت يانهرنا
قوم قرب هنا
وارقص ويايا بعصايا
وانتى يانجمتى
صهللى زغرتى
دى الفرحة
بترقص جوايا
يااسمر ياصعيدى
يا ابو عزم حديدى
وب مواويلك غنى حدايا
وانتى يامصرنا
ضمينا كلنا
والقُطى لهريدى
صورة معايا
أدن يا أدان
سجل يا زمان
مرسى وحمدان
شقوا قناية
شاركونى فرحتى
واحصدوا غلتى
اطفال وشباب
ويا صبايا
وانت ياشعبنا
خليك جنبنا
وامسك لنا
بالليل شمعاية
السبت يناير 21, 2017 8:39 pm من طرف مجدى الهوارى
موضوع: يااسمر ياصعيدى 
