بوابة حِلمْ

عدد المساهمات : 50 تاريخ التسجيل : 06/11/2010

أدخُل

جوة حدود بوابة حلمك

تلتقى الأحلام ألوف

صنوف بشرتحلم معاك

هناك مَسيرة رحلتك

تبدأ بجد مالكش حد

يتبنى حلمك معاه

وحدك إحلم وإعلم انه

ييجى يوم الحلم يكمل

تنتهى يومها المسيرة

والأميرة

صورة مرسومة ف خيالك

واللى بالك

عمره عاش مشغول عليها

راجعة بيك الذكريات

للمرايل والضفيرة

فرحة مجدولة شرايط

والجدايل مرجحتهم

والملاهى

مارسِتْ اللعبة القديمة

قسمّت حتى اللعب

قسمة الجَد اللئيمة

لِعبت البنت وصُحابها

من منابها............

تفرد اللهفة عليهم

تحتويهم............

ضحكةمالية العين وتكشف

قلب صافى

يعشق الحضن اللى دافى

والصُحاب ويا اللعب

تحت ضل الشجرة

قاعدين الولاد

أوتاد حماية للشجر

والقمر حارس أمين

وعين بتترجى السنين

تفضل معاهم طيبة

ويا أطراف السمر

ينفلت..... خيط البعاد

من غير.......... ميعاد

تنطفى أنوار سلامهم

تنكسر كل الحاجات

وافى يا همس السُكات

قوم ولملم ف الرُفات

الشرايط والجدايل

دم سايل

يشهق القلب العبير

شهقة من غير الزفير

ينحسر قلب الحارات.

موضوع: رد: بوابة حِلمْ الخميس يناير 06, 2011 2:22 am

تمتعنا دائما
بأعمالك
تقيلى مرور

عدد المساهمات : 50 تاريخ التسجيل : 06/11/2010

يسعدنى مرورك الكريم

دمت بخير وسعادة

تحيتى وتقديرى

الشاعرة المتألقه / هناء سعيد
قصيدتك جميله وبها محطات غير عاديه من الإبداع من وجهة نظري طبعا كشاعر فصحى وعاميه وأعجبني منها :

عمره عاش مشغول عليها

راجعة بيك الذكريات

للمرايل والضفيرة

فرحة مجدولة شرايط

والجدايل مرجحتهم

وهذا المقطع أيضا :

قلب صافى

يعشق الحضن اللى دافى

والصُحاب ويا اللعب

تحت ضل الشجرة

قاعدين الولاد

أوتاد حماية للشجر

والقمر حارس أمين

الله عليك يا استاذه ..... مع خالص مودتي
محمد البهنساوي

عدد المساهمات : 50 تاريخ التسجيل : 06/11/2010

حقيقة يسعدنى مروركم العطر على متصفحى

فهو علامةوميزة اتمنى الا تحرمنى اياها

دمت بخير وسلام