حـــــــــرام

الجيران
ال موش تمام
ليه كلنا
أصبحنا فى عيونهم خطاة ؟
كل طوبة تسطّنا
تسمع منهم عننا
أوسخ كلام
ايه اللى خلاهم كدا ؟
طول عمرنا مع بعضنا
شاربين أكلين سلام
الفتن بتطل
إن غاب
عن القلب
والعقل الصواب
وما فيش كتاب
من ربنا
يأمرنا بالغدر
أو حتى بالانتقام
تعرفش إيه
خلّى قطربحاله
يبقى كوم رماد
مين وايه أغرى الخوف
يغدر ويقتل فى الضلام
بيقولوا بينهم مصلحة
وصفقة حرام فى حرام
والاسكندريه مين وليه
لطخها بالأحزان ؟
المصايب
كلنا بنعانى منها
فى الخسارة
كلنا من دمنا
بنكعّ
ونسد الفاتورة
والفاتورة كل مادا تزيد
حرام يخش فى دمنا
كره الجيران
وحرام نزيح الضى
عن بكره اللى جاى
وحرام نعض فى بعضنا
واللى أذانا يهرب من العقاب
والمجرمين يشمتوا فينا
وفينا يزرعوا مر الخصام
الوجع فينا شديد
اللى حاصل موش جديد
الوطن هو اللى مستهدف أكيد
الصواب إننا نتلم
ونعرف مين وليه بيئذينا كده
الأذى دايما
بياجى من الغريب
أو شخص حقده عاميه
موش فاهم
بيعمل إيه
فى أمه
الحزينة
مصر